الثلاثاء، 15 ديسمبر 2009

اليوم..وقت للدهشة



المكان : مقهى الحلم .. على طريق الملك فهد.. قبل برج المملكة اذا كنت متجه للشمال، خلف يوم القهوة

جاءت الأخبار : أن هذا العرض كل ما قدم في مكان..طلب الحضور بعدما اصابتهم الدهشة،ان يتبعه عرض آخر مباشرة
لا تفوت على نفسك حضور هذه التجربة..فربما تكون ملهمة

قروب الفيس بوك
http://www.facebook.com/home.php?ref=home#/group.php?gid

الدعوة عااامة


السبت، 12 ديسمبر 2009

مسكين ما عندو بي بي !! اتوقع يستحق الزكاة !


" "إذا كنت جالسا بين مجموعه من الناس وكانو جميعا مطأطئي الرأس وأنت الوحيد رافع رأسك فلا تعتقد انك الوحيد المتفائل السعيد .. بل انت الوحيد الذي ليس لديه بلاك بيري "





هذا كلامهم .. يمكن كلامهم صح !! بس برضو لو كل اسبوع متأخر على اصحابك عشان الحادث الجديد اللي سويتو فأنت الوحيد الذي لديه بلاك بيري !! لو كل اصحابك اللي داخلين جو شات في المحاضرة بالبلاك بيري خبصو في الامتحان وانتا مسكين الوحيد اللي معطي الدكتور وجه وطلعت الدرجات فلا غرابه في الفرق لانك الوحيد الذي لا يملك بلاك بيري !! واذا كنت الوحيد الذي يكون بكامل تركيزه مع من حوله وصافي الذهن فأبشرك بأنك لم تشتري بلاك بيري بعد .. اذا كل اخبارك من النوع البايخ و "ساري الصلاحية لمدة ساعة" وبعد ما تنشرالخبر للي حولك تقول اسف كانت اشاعة بلاك بيري فلا نستغرب ان تكون دائما صاحب "أضحل" معلومات فأنت تملك بلاك بيري .. اذا كان عندك وقت كثييير وطفشان ولا عندك شي مشغل حياتك فينفع لك بلاك بيري بقوة .. اذا كنت من الناس اللي تحب تسوي نفسها مشغولة ومهمة وكل شوية تطلع الجوال وتقول "اوووه" وتبدا تكتب فأنصحك بالبلاك بيري .. اذا تحب الوان قوز قزح فأنصحك بلاك بيري بولد ولا تقصر كل يوم حط لون مرة ازرق فاقع ومرة زهري يفقع عيون الناظرين .. والقائمة تطول !!



طلع "التوت الاسود" وطلعت معاه العديد من الاكتشافات الجديدة :
- اكتشفنا ان الشعب السعودي خفيف دم وعندو امكانية على الابداع السريع في النكتة .. مثلا بعد ما حصل في جدة يقولك في محششين قاعدين على سطح عمارة وجا هلكوبتر الدفاع المدني يشيلهم قام صرخ واحد من المحششين : هيييه خلي خويك يطفي المروحة ترى روسنا رطبة ( :
اكتشفنا ان الاشاعة تسري في دمنا زي مسرى الشيطان في دم ابن ادم -
-اكتشفنا ان عندنا وقت أكثر من براميل النفط .. المشكلة ان مع هذا الاكتشاف الى الحين كل واحد يقول ياخي والله مشغووول .. مافي وقت .. حاضر صدقتك عمي ..
-اكتشفنا ان الشعب يحب التكنولوجيا وممكن يستخدمها طوالي في خدمة اهدافه السامية زي اللي في الصورة

تحليلي لانتشار البلاك بيري هو ان "الطبقة الراقية" بدأت تشتريه لان كان عبارة عن شبكة مغلقة بينهم .. طبعا بدأ باقي الناس تشوف هذا "الريموت كنترول" في ايدي هذي الناس وقالت خيلنا نجرب .. انتشر اكثر واكثر .. في ناس اشترتو بدون سبب على اساس انو كشخة وعلى بالها انها صارت كشخة لما شالت بلاك بيري عليه "كفر" اخضر فاتح .. بس في ناس معاها حق مقتنعة بميزاته انه ممكن يكون أرخص ويوفر الفاتورة - على اساس المسجات لاصحابهم اللي عندهم بلاك بيري ببلاش - والايميلات تجيك طوالي والانترنت مشبوك .. يعني يستفيدو منو ويحللو قيمتو !!



طيب البلاك بيري "موضة " وتعدي ؟؟
انا اتوقع ان في ناس مو ممكن تعيش بدون بلاك بيري بعد الان الا لو طلعت تقنية احسن منها .. زي الماسنجر مع قدمو الا ان في ناس ما قدرت تسيبو ! اما الناس الباقية الشقرا ورا الخيل" فهم ينتظرو الصرخة القادمة عشان يصرخو معاها !"




الخميس، 10 ديسمبر 2009

بريال .. كااااااان !

في هذا اليوم التاريخي الاربعاء 22 ذو الحجة 1430 ارتفع سعر الذهب الاسود للشعب المدعو بيبسي الى ريال ونص !! القرار فجائي حتى ان راعي البقالة قالي غريبة ما رفعو السعر مع الأزمة الماضية حقت ارتفاع الاسعار كان يمكن وقتها معاهم حق والناس عذرتهم ؟؟ بالفعل توقيت غريب ॥ احس ان المطاعم محا تصدق خبر وترفع الاسعار على اساس ان سعر المشروب زاد ؟ الايام الجاية حنشوف ! نخاف بما ان البيبسي من قيادين منتجات ابو ريال ورفع سعرو ترتفع معاه منتجات ثانية بعد ما فتحلهم الباب !


الليلة كانت ليلة الكوكاكولا .. الناس حولت ليها لانها لسا بريال بس !! كنت افكر مشروع تجاري انك تشتري كراتين كوكاكولا الين ما ترتفع وتبيعها بربح يمكن يوصل 50 % لان زي ما قالي راعي البقالة ان شركة كوكاكولا بدأت توقف التوزيع فحيقل المعروض ويرتفع السعر !! لو ان الشركة انتظرتلها شهر على هذا السعر حيكون تسويق جيد جدا لها يمكن الناس تبدأ تتعود على طعمها ( الغريبة اننا من الدول القليلة اللي يعتبر فيها البيبسي المشروب الاول قبل اخوه الكوكا !!)


الناس بسرعة بدأت تتساءل كيف حنتعامل مع هذي الازمة !! مو الازمة ان السعر ارتفع ॥ الازمة ان صار في نص .. يعني بالعربي ادراج سياراتنا حتتملى بعلك نوفا ابو نص لو ما انحلت الازمة هذي ! هل حنصير نتعامل بالقروش زي باقي العالم بسبب السيد بيبسي ؟؟


السؤال اللي من جد محير صاحبي في جامعة البترول وعندهم ماكينة بيبسي الى الحين بريال ॥ مو عارف ايش حيصير ॥ حيخلو البيبسي بريال ونص يعني من المكينة يدخلو قروش ولا ترجع باقي ؟ قالو يمكن يحطو البيبسي بريالين ويحطو لك خيارين يا نوفا اومناديل ॥ انتا بالخيار !

الأحد، 6 ديسمبر 2009

أنكر تؤجر ..

قبل فترة كان يحكيلنا واحد من اصحابنا عن الصراع الدائم بينو وبين اصحابو لما يقطعو الشارع !! أصحابو عمليين يهمهم الوقت جدا ودايما يستشهدو بـ"الوقت كالسيف" فعشان كذا ما يقدرو يسامحو صاحبي ليش يقطع الشارع من خط المشاة ويضيع 25 ثانية !! يقولهم يا ناس هما حاطين خطوط المشاة ليييه ؟؟ وكل مرا يحصل نفس الشي يروح راعي النظام يقطع من خط المشاة وأظن هوا الوحيد اللي يمر من خط المشاة لان باقي الناس ممكن تقطع الشارع من أي مكان الا هذا الخط !!

صاحبي - يمكن لا شعوريا- بيسوي شي مهم جدا و أساسي بل أول خطوة في التغيير .. "الانكار" ..

العالم عندنا ماشيه بطريقة نقدر نسميها همجية في كثير من الاحيان أو غير حضارية إذا نبغا نقول بعبارة أكثر أدبا .. أنا مقتنع أن اول شي يبغالنا نصلحو فينا هو احترام النظام ورفع الذوق العام واحترام الاخر ...

طيب واللي يبغا يحاول يصلح هذا الشي يسوي ايش ؟؟ يسوي دفتر مخالفات اخلاقية ويوزع عالناس مخالفات ؟؟ تقريبا هوا شي زي كذا !

اذا نبغا نغير شي لازم نمر اول شي بمرحلة الانكار ... لازم الناس تحس ان اللي بتسويه غلط ..اذا كان خيالك واسع تقدر تتخيل ان كثير ناس مهي معترفة ان اللي قاعده تسويه غلط ! .. او معترفة بس تعتبرها شي عادي وجزء من ثقافتنا لان ما احد بيقولك شي لما تغلط !!الناس اللي تفتح شباك السيارة وبكل سهولة ترمي الشي في الشارع يعتبروه شي –مقبول- لان الناس اللي حولها ما قالت شي .. يعني تصرف مقبول من المجتمع ! اللي يطلع من الجمب في الاشارات ويطلع قدام الناس محد قالهم شي .. !!
دايما يقلك اللي يطلع برا السعودية يصير ملائكة بعد ما كان حاجة ثانية .. ليه ؟ لان المجتمع اللي هناك ينكر بقوة اذا سوا صحابنا شي من العمايل السودا اللي بيعملها هنا فيهجد من ردود فعل المجتمع ويحترم نفسو .. ايضا الانسان بطبعو يحب الشعور بالانتماء وان السلوك اللي يسويه يماشي باقي المجتمع فيحاول لما يكون هناك يثبت بأي طريقة انو زيهم يعرف ياكل همبرجر ويرمي الكيس في الزبالة ! فلو تغيرت عندنا طبقة كبيرة من المجتمع كثير من الناس بتتغير عشان تحس بالانتماء (خاصة لو كانت الطبقة اللي تغيرت هي الطبقة الراقية) ..

السبت، 21 نوفمبر 2009

يحكى عن الذوق العام !!

الاسبوع هذا جمب شارع التحلية كان في حفريات لاصلاح ما أخربه الدهر والشعب ... كان العامل الهندي يبغا يوقف السير شويا عشان يخلي "الدركتر" يخش ويكب تراب .. طبعا لان "اللي يسمع كلام الهندي مخفه " شوف الشعب إيش سوا ... محد رضي يوقف مع ان الرجال انكسرت يدو وهوا يأشر ... اللي يقهرني أكثر مو إن السعوديين ما يوقفو ... "يمكن" السعوديين معاهم حق ... بلدهم ومو مفروض أحد يرفع عليهم يد بأمر فوق ترابها .. اللي قهرني من جد إن حتى السواقين تطبعو بطباعنا و صارو " أقويا عين" ولا احد رضي يتنازل عن انو يكون آخر واحد يمر .. كل واحد يقول إيش معنا جات عليا أن اللي أوقف خلي اللي ورايا يوقف !! ولا صاحبنا يقول انا مشغول خليه يمشيني بس انا لان عندي مباراة سوني فاصلة مع حميَد ولد عمي ..
أنا وقفت على جمب بس أبغا اشوف المنظر وأشوف ايش خاتمتها ... بعد شوية الرجال يئس من الوضع وبطل يأشر وراح أخذ استراحة ألين ماشاف ولد عمو الهندي سواق التكسي مقبل فنط وقال في نفسو : ( ايييوا هذي الناس اللي ممكن يجي منها خير ) فراح أشر للتكسي ...
وللأسف وقف التكسي وضيع من وقتو 20 ثانية وصار اكثر وطنية مننا .. تحية كبيرة للشعب الهندي العظيم اللي لولاه ما تصلح شارع فلا عندنا عمال ولا عندنا احد يسمع للعمال .. ونجي بعدين نقول الوطنية .. ونجي نقول شوارعنا خربانه !!

الجمعة، 6 نوفمبر 2009

سر الأسرار !!


استغربت اخيرا من اكتشافي البايخ ان سبب زحمة الطرق السريعة عندنا يكون احيانا سبب نفسي !! اي والله شايف كيف كل هذي الزحمة كثير من الاحيان يكون السبب نفسي وبس ..

القصة وما فيها اننا الناس المحترمة عندنا فيها حالة نفسية عجيبة ... في نكتة يقولو في مرة سوو حظر تجول راحو كل الناس طلعت تشوف ايش صاير !!
الشارع ماشي في امان الله وبكل سلاسة (طبعا بكل سلاسة تتضمن السقطات الرهيبة والتكبيسات اللي تعمي بالطبع) ... يجيك اثنين مركزين في السواقة ما يكلمو بالجوال طبعا ولا يكتبو رسايل ويسوقو سرعة قانونية بس لامرد لقدر الله فيصيرلهم حادث ... طبعا الشرطة عندها نظام متطور جدا تقول خليك في مكان الحادث الين تجي الدورية عشان يحكمو في الحادث ومعاهم حق ... المهم تقوم السيارتين اللي سوت حادث ما تتحرك عن الخط اليسار في الدائري يستنو الشرطة ويطلعو برا السيارات يشمو هوا ومن الطفش ممكن يخترعو مضاربة يقضو فيها الوقت ( أقترح في الخطوط السريعة يصير في مراكز ترفيه للي سوى حادث وينتظر الدورية) ...

بعد دقيقتين على حدوث الحادت : مفروض ما تصير زحمة شديدة لان الشارع لسا باقي فيه 3 سيدات فاضية ... بس هنا تجي النفسية الحلوة عندنا ... كل واحد يمر لازم يوقف عند الحادث ويلقي طلة قد تطول عن " النظرة الاولى " بكثير ... يتأمل ايش صار للسيارة الاولي ويخمن كم يكلف التصليح ... بعدين الثانية وبعدين يقعد يخمن مين الغلطان ( الشعب صار عندو قوة تحليل قوية .. كل يوم يتدرب على تحليل 3 او 4 حوادث) .. بعدين بتأكد اذا ما احد انصاب او صارلو شي لاننا بصراحة مع هذي اللقافة شعب نشمي ... المهم بعد دقيقتين يتحول الشارع اللطيف السريع الى علبة سردين !! حسبي الله على اللقافة ... زي ما قالو لوكانت اللقافة شخصا لقتلته .. ولعلقته عبرة على لمبة الدايري ...

الأربعاء، 28 أكتوبر 2009

ياساهر الليل !!

نظام ساهر وما ادراك ما نظام ساهر ... على اسمو والله .. محا يخلينا ننام بس حنقعد نفكر كيف نسدد المخالفات اللي جاتنا ... اول ما تعدي 120 يصكوك بمخالفة !!

مع ان النظام له ميزات كثير منها انو يتعرف على اللوحات اللي تمشي يعني يقدرو بسرعة يلقطو السيارات اللي ملبغ عليها انها مسروقة بالكاميرات بس حيتعبنا احنا الناس العاديين اللي ما لنا ومال البلاوي الله لا يبلانا !!

انا اعترف ان السرعة خطر ... بس الضغط والسكر اللي من الزحمة برضو مو بيقتل ناس كثير؟؟ ابشركم اني اتوقع تطلع امراض جديدة مع نظام ساهر ... الزحمة تزيد فيعني بدال ما يموت واحد من حادث يموتو 10 من الضغط ...
العالم والصناعة والسيارات بتتطور واحنا لساعنا على 120 ... السيارات صارت تجيب 300 واحنا 120 ... المانيا بتفتح خطوط بدون حد سرعة واحنا 120 ..

المشكلة مو بالسرعة المشكلة كيف احنا نسوق ... نفسي بس يمسكو اللي يسقط في الاشارات ... يمسكو اللي يسقط بقوة على الناس ... اللي يقطعو اشارات ...

برأيي انك تسوق بسرعة مو معناها ان سواقتك مو متحضرة او خطرة ... انك تسوق بعفاشة وتغلط على خلق الله هذا التخلف والخطر بام عينو حتى لو انك ماشي 20 !!

السبت، 10 أكتوبر 2009

خليها " ..... "

" لوجود عملاء جاري خدمتهم ... سوف يستغرق الرد عليك عشرطعشر دقيقة " .. دايما تصيرلي فأحط الجوال على السبيكر وانتظر الى ان يتكرمو ويتمننو ويردو على اتصالي وتساؤلي ... يا ناااس انا عميل وتخدموني بفلوسي ... لا معليش !! احنا هنا ما عندنا هذا المبدأ اللي يقول اخدمني بفلوسي ... هنا تدفع فلوس عشان تكشيرة موظف او لطعة سماعة !! احمد ربك انهم يخدموك اصلا ..

على العموم اليوم صارت مفاجأة وردو على طووول !! بعدين تذكرت ايش اللي حاصل ... اليوم الموظفين يهشو ذبان ... باين الحملة نجحت على الاقل ان عدد كبير من الناس التزمت بيها وخف الضغط بوضوح على 902 ..
تطور الوعي بحقوق المستهلك المسكين الغلبان هالسنتين كثييير .. الناس انبسطت وأخذتها حلا كل ماصار شي قالو يلا : " خليها تخيس " ... يلا ... " خليها تصدي " .. يلا .. خليهم يتعلمو اننا بشر لنا عقول ... نقدر نفهم على الاقل !! بس ما ادري هل استجابة الناس لزي هذي الحملات عشان حقوقهم ولا " خلينا نجرب " زي سالفة المظاهرات !! حملة مقاطعة الاتصالات السعودية صار فيها نقلة نوعية شوية .. مقاطعة شي استخدامو اساسي ويومي وكل شرائح المجتمع تستهلكو ... ومقاطعة ايضا سريعة وخفيفة " مقاطعة ابو يوم" اللي تمكن قدر اكبر من الناس تشارك فيها ..
هذي الحملة صارت اساسا عشان اللخبطة اللي حاصلة في نظام الفواتير حقت الشركة ... في رأيي مو المشكلة ان تصير في لخبطة في النظام .. المشكلة في تجاهل وعدم تقدير للعميل صراحة ... المفروض شركة الاتصلات على الاقل تعلن شي رسمي ان في لخبطة وتقدم اعتذار " يدونا 1000 دقيقة مجانا مثلا " .. اعتذرو على الاقل يا أوادم ... من كثر اللخبطة الحاصلة صاحبي حول من الاتصالات لموبايلي من سنتين والحين جاتو رسالة من الاتصالات بفاتورة 30 ريال !! أهلا وسهلا ( : ...

انا عن نفسي طلبت التحويل لموبايلي من اسبوع ... هيئة الاتصلات يبغالها 8 ايام عمل علشان يحولو الجوال من الاتصلات لموبايلي .. حشا حسيت اني طلبت نقل ملكية الشركة بكبرها !!

شي جدا ممتاز ان الناس صار عندها وعي و تعلمت كيف تضغط لتاخذ حقوقها بشكل سلمي جدا وبدون شوشرة .. وهذا المفروض ..

الاثنين، 5 أكتوبر 2009

الله يرحم ابونا ابو مطرقة خشب كان رجال طيب !

قعدت افكر في اجدانا اللي عاشو في العصر الحجري ... كيف حياتهم كانت بريئة ومسالمة الى حد كبير ... اتوقع ان الأرض تترحم عليهم صباح مساء وعلى الايام الحلوة اللي عاشتها تحت حكومتهم الرشيدة ... كان الانسان الطيب يقوم الصباح يزرع الارض ويحرثها ... ولو صار هذا الانسان مررا شرير ومخربها وما كان نباتي يمكن يصيد غزال لعائلتو الكريمة ويشويه ويتغدو عليه تحت ظل شجرة ... ايااااام حلوة ( :

الحين لك الحق يا أرض انك تتألمي ووتحسري على حبيايبك الطيبيين وأيامهم الحلوة ... الارض يرتفع ضغطها لما نقول عن اجدادنا انهم متوحشيين نقول " الانسان في العصر الحجري" ... ياللي عايشين الحين تراكم ماخذين في نفسكم مقلب .. انتم البشر الوحشيين وياطيب الحجريين ... انتو ما تستحقو لقب الانسان المتحضر ..انتو ما ينقال عنكم الا سفاحين ... اياديكم تتلطخ كل يوم بدمي الأخضر !!

لو نفكر شوية في حياتنا اليومية ... أقدر اشبه نفسنا بآلة تقوم الصباح لتخلف ورائها أطنان من المخلفات ... هل سألت نفسك يوم من الايام انا ايش سويت لهذي الارض ؟؟ يا عمي خلاص بلاشي تحرج نفسك ... مو لازم تسوي شي ... اذا حسيت في انك مذنب على الاقل حاول تكف شرك :

كل يوم الواحد اكيد يدخل بقالة والا يشتري اي شي ... يطلع من المحل بكيسين ولا ثلاثة وبعد ساعتين الاكياس والعلب تنرمي في الزبالة وتقعد الارض تعاني من كيسك هذا ملايين السنين الين حضرة الكيس يتحلل بعد ما "يبط كبد الارض" ... يا انسان ياطيب ما فكرت انك تحب الارض و تتلطف وتنتظر سيارة الزبالة تمر على بيتكم وتجمع البلاستيك في صندوق والاوراق في صندوق وتعطيها للعامل وتقولو هذا ورق وهذا بلاستيك يصير العامل وبيد باردة وقدام عيونك يكبها في الشاحنة مع باقي الزبايل ويعلمك كيف المرة الجاية تسوي نفسك مهتم بالبيئة !! احنا في السعودية ( :

عشان كذا احنا يبغالنا ما نورط نفسنا من البداية في هذي الاشياء لانك لو استهلكت شي في هذي البلد محا يروح لاعادة تدوير ... حينضم الى جبال المخلفات اللي ما لها غير الله ثم الزمن !!في فكرة سهلة وبسيطة وما تكلفنا اي شي .. الفكرة ببساطة اننا يوميا بنترك مخلفات اشياء ما نحتاجها ... مثلا رحت البقالة وطنت في راصي ابغا حبتين لبان ابو بسة "طبعا هذا الاسم المحترم " .. اديت الرجال الفلوس راح حطلي اللبان في كيس ... حبتين لبان في كيس زي كأنك زي ما يقولو " ترمي سرك في بير " ... تضيع الحبتين في الكيس .. طيب ليش الكيس ياعمي !! زي كذا احيانا نقدر نستغني عن الكيس بكل بساطة : اشتريت واحد حليب المراعي شيلو في يدك ... لو كل واحد قدر يوفر يوميا كيس كان وفرنا في اليوم ملايين الاكياس !!
في أفكار كثير ممكن تساعد اننا نصير اقل شراهة في الفتك بالارض .. ممكن نتكلم مرة ثانية عن بعضها ..

الاثنين، 7 سبتمبر 2009

تصبيرة إلى ما بعد العيد - شيء بسيط ... بس مفرح -

السلام عليكم ...

هذا شيء بسيط صار لي في طريق خريص الرياض و حبيت أقول لكم عنه ...

أخيراً واحد وقف في وجههم !!! .. اللي يقرأ هالكلام يقول الإستعمار !!

لا ... تعرفون عند المخارج و الإشارات و مداخل المحلات والمديورات وغيرها ... دائما في مجموعة من لناس تعدي الصف كله والعالم اللي واقفة ويدخلون عليهم مو معبرين "السرى" والخلق اللي محترمين النظام ... أما اليوم ...!! أو بالأحرى أمس ... كنت في خدمة خريص بين كوبري الخليج الأول " الصغير " وكوبري الخليج الثاني " الكبير " ووجهي شرق ... - والله من زين الوصف - كنت ماشي في أمان الله والطريق زحمة على الآخر .... قبل المخرج ما كنت أقدر أشوف هل هو مفتوح أو مسكر من كثر الزحمة ... لما وصلت له وكنت ماسك المسار الأوسط اكتشفت انه المخرج مفتوح .. فقررت إني أدق إشارة - إعتذاراً للسيارة خلفي - و أدخل مستأذناً .... جالس يبرر الخطأ ... ودخلت قبل المخرج بعشر أمتار تقريباً يعني مو قريب ... وكان فيه شرطي واقف على المخرج يمشي السيارات و ما يخلي اللي "يسقطون" يدخلون ... لما وصلت المخرج وقف الشرطي قدامي ويأشر لي "اطلع وكمل على الخدمة" ... طبعاً أنا على طول رضخت للحق والعدل بما إني إنسان عادل وصادق - يمدح عشان ما تخرب السمعة - وطلعت من الخط ... طبعا صحيح إني اضطريت أمسك إشارة لنص ساعة بس كنت فرحااااان ... زي ما قلت أخيراً فيه واحد يفرض النظام- ولو كان النظام بسيط - و يرغم على من لا مبادئ له بأن يتبع المبادئ وآداب الطريق و يقف في وجهه عند الخطأ ... وأدعوا ربي أن لا أكون ولا يكون القارئ أحداً منهم ... وتمت - ماتجي-

والسلام عليكم ورحمه الله وبركاته ^ـ^

الجمعة، 28 أغسطس 2009

اعلان : قربت نهاية اجازة المدونة .. ياحظنا بيكم ..

السلام عليكم يا جماعة ..
في تدوينة كتبناها اول الصيف قلنا اننا حنوقف في فترة الصيف .. بس باين ان رسالنتا ما كانت واضحة جدا .. احنا انشاء الله راجعين مع بداية الدراسة يعني بعد العيد بإذن الله بثلاثة اسابيع تقريبا ..

بالمناسبة خلينا اقول قصة صارتلي قبل يومين ..

كنت بأشوف واحد من أصحابي ما شفتو من فترة .. بعد ما شربنا قهوة وخلصنا مشيت مع صاحبي الين سيارتو .. لقينا مجموعة شباب باين انها كانت ناوية توقف بالعرض وتسكر على سيارة صاحبي قام صاحبي بسرعة كلمهم قبل ما يمشو ويسيبوه ينتظر !! صاحبي طلع بسيارتو ... ورحت لسيارتي ..

وصلت لسيارتي العزيزة وصار اللي ما كنت اتمناه .. واحد واقف ومسكر عليا تماما .. حاولت اني اطلع بأي طريقة بس الرجال مسكر تسكيره لا نجاة منها الا بأن يأتي سموه الكريم .. قلت خلاص ننتظر مافيش مشاكل لان غالبا اللي موقف غلط ما تزيد عن 5 دقايق ويجي .. قلت خليني أتجهز فشغلت السيارة والمكيف وطلعت برا السيارة .. انتظرت 5 دقايق .. 10 دقايق .. قلت خليني ادور في القهوة المقابلة يمكن الاقي صاحب السيارة اللي ناسيها ... حسيت الصراحة أني داخل القهوة اشحت : "لو سمحتو السيارة الشفرلييه حقتكم " .. " لو سمحت سيارتك الشفرلييه " !! ..

15 دقيقة .. بس مو معقولة الرجال لسا ما جا .. خاصة اني مستعجل ابغا الحق على محل قبل ما يسكر .. ما لقيت اي شي يسليني لا كتاب ولا مصحف ولا حتى سيارات زي الناس اتفرج عليها ( : ... قلت لازم اسوي شي ... وجات على بالي فكرة خطيرة وقلت خليني أجرب !! طلعت جوالي ودقيت 905 : " السلام عليكم لو سمحت ابغا رقم المرور" .. قلي 993 .. قلت شكرا .. ( في البداية كنت حأتصل على 999 بس قلت يا عمي حذول ما لهم دخل .. والله مشكلة ال99 هذي تلخبط !! ) .. المهم دقيت 993 :

انا : " السلام عليكم .. "
993 : "وعليكم السلام "
انا : " لو سمحت انا الحين واقف وفي واحد مسكر على سيارتي وله حوالي نص ساعة ولا جاني .. هذا أعمل فيه أيش !! " .. انا حقيقة توقعت ان الرجال يهزئني ولا يفكرني أستهبل عشان كذا حاولت أنطق الجملة بعصبية !! ..
993 : " قال طيب أيش رقم اللوحة .. وين مكانك ؟ "
أعطيتو رقم اللوحة ووصفت مكاني ... وقالي خلاص انتظر ..

انا حقيقة ما صدقت ان الرجال تفاعل معايا وسجل رقم اللوحة .. فرحت جدا وقعدت اتخيل راعي السيارة الشفرلييه يجي ويحصل الدورية عند سيارتو وبعدين يترجاني ويتأسف .. وفكرت اسامحو ولا لا لما تجي الشرطة !! وبعد تفكير قررت اني اسامحو لو جات الشرطة لاني أهم شي اني كنت ابغا اوصل له رسالة ان اللي سويتو غلط وان القانون معايا ويحميني ..

بس طبعا ما يحتاج أقول ان راعي السيارة جا قبل الشرطة ( هذا اذا كان للشرطة نية انها تجي ) !! .. المهم انا شفت الرجال متجه للسيارة .. رجال كبير ومحترم ومعاه زوجتو كمان .. بعد كم نظرة مني فهم الخطأ .. قال : " ياخي والله انا آسف جدا .. والله آسف .. بعدين انا في هذا المحل كان دخلت وسألت عني " .. لا يا شيخ حدخل ودور عليك كمان !! قلتلو : " يمكن تكون هنا ويمكن هناك ويمكن في القهوة وانا ايش يدريني !! .. انتا بس حط نفسك في مكاني .. " .. انا المشكلة ان عندي عقدة اني ما أقدر أهزأ واحد لو معاه زوجتو او اولادو لان احس ان كرامتو تنزل قدامهم حتى لو كنت جدا معصب .. المهم الرجال ركب السيارة .. ومشي ومشيت .. وانتهت النص ساعة بـ"أنا آسف" وخلاص !!

الجمعة، 24 يوليو 2009

معقوووله !!

مفروض اني عالوعد بس هذا شي لازم اقولو الحين !!

قبل شهر تقريبا ... واحد من اصحابي غاب عن الجامعة وجا اليوم الثاني للاختبار ماوصل .. قالنا ان الشرطة مسكوه في الحجز 24 ساعة عشان شعرو طويل !! انا حقيقة انصدمت وما صدقت ابدا .. قلت لنفسي يمكن مسكو صاحبي عشان شغلة ثانية وقام يصرفنا عشان ما يبغا ينفضح !!

قلت الكلام هذا لاخويا ولبعض اصحابي قالولي لا هذا الكلام مو معقول .. يعني يمسكوه 24 ساعة وبعدين !! وأخذو المسألة ضحك واستهبال !! انا حقيقة قلت يمكن كلامهم يكون صح !

مع الوقت بدت الحكاوي تزيد ..

امس واحد صاحبي ثقة ولد طيب بس مسكين شعرو طويل .. مسكوه دورية في شارع التحلية وحجزوه 24 ساعة .. وفي النهاية ما حلقولو شعرو ... ولا خلولو شعرو زي الناس ... حلقولو مستطيل فوق جبهتو الين نص راصو !! يعين طلع الولد مشووووه !!

اخيرا صدقت الخبر مع اني لسا مني قادر اصدق .. بس هذا الواقع .. هل معقول كذا !!
دورية في اشهر شوارع العاصمة ليش ؟؟
للشعر الطويل .. حسيت اننا قاعدين في متوسطة بن خلدون !!
الاولويات عندنا معدوومة
انا اتوقع في اشياء اهم كثيييير من مسألة الشعر ... اللي تحت الشعر !!

الثلاثاء، 7 يوليو 2009

اعلان
بسم الله الرحمن الرحيم
السلام عليكم

اعزائي متابعي كورنيش الرياض

أسلاك الكهرباء بدأت تئن وتتألم تحت شمس الرياض الحارقة .. وتحت طلباتها المتكررة قررنا ما يلي :

رحمة بها ... ولإحقاق الحق سنتوقف عن مضايقتها مؤقتا فهي تعاني من العذاب ما لا تتخيلون ...
ارتاحي يا أسلاك الكهرباء الى تنزل درجات الحرارة مع بداية العام ..
حينها سنبدأ تحميلك مواضيعنا –ثقيلة الدم والحرارة – التي قد يؤدي تحميلها في مثل هذه الظروف الى انفجار مرارتك ...

نراكم حينها ..
( :

الخميس، 2 يوليو 2009

مطاراتنا .. الله يخلف علينا !!


في
مدونة نظم تكلم ياسر عن انتفاضة المطارات المرجوة بعد التقييم الاخير للمطارات السعودية على غرار ماحصل لجامعاتنا ... بكل فخر جات المطارات السعودية في ذيل قائمة من 192 مطارا عالميا ...

لكن بعد سفري الاخير الى جدة بدأت اشك في انتفاضة ولو على الاقل انتفاضة قريبة ...

انا لا أستغرب ابدا لو قعدنا متخلفين في ناحية من نواحي حياتنا او الخدمات العامة في بلدنا .. ولكن الغريب جدا ان تكون الخدمات قبل 25 سنة أفضل من الآن !! الناس تمشي قدام واحنا نرجع ورا ..

طبعا عانيت كثييير في اصدار تذاكر قبل فترة من مكتب الخطوط اللي في حي المروج .. وصلت الساعة 10 تقريبا ولسوء حظي مو شغال الا 5 او 6 كاونترات (اظن نص الموظفين قاعدين يفطرو فول في المكاتب الداخلية) ... في ظل هذا الوضع ومع ان الناس الموجودة قليل اضطررت اني انتظر الى صلاة الظهر ومافي اي شي يسليك او يخفف عليك الانتظار فحتى الجرايد بخلانين بها علينا... لما قمت اتوضا لصلاة الظهر جا واحد ناداني : " يالطيب تعال " ...قلت نعم قال "شوف ورا " .. واثر اني جالس على شوكلاته وما يحتاج اوصف نظرات الناس ... أكرر ان السعوديين نشامى وكثييير قالولي ترا وراك في شي وجابولي مناديل ومويه عشان امسح !! تمنيت ان ما يكونو الناس نشامى كذا لان كثرة النشامى أحيانا تزيد من الاحراج للشخص !!
في النهاية ابشركم على الاقل اني اخذت تذاكر ... والغريبة ان كل هذا بفلوسي .. ياناس انا ما ابغى منكم شي ببلاش !! مالكم اي منة او فضل علي .. هذي فلوسي بس ابغا منكم خدمة ...

اخذت امس " البوردنج " وتوجهت بسرعة الى بوابة 33 على اساس اني متأخر ... واثر الخطوط هيا المتأخرة ... انتطرت الى ان فتحت البوابة بس استغربت ان الناس تنزل تحت والعادة انهم يطلعو من فوق عن طريق الممر الى الطيارة مباشرة !! نزلت مع الناس تحت وانتظرنا قدام باب يهف منو هوا رهيييب .. هوا الرياض المنعش ... كأني بالضبط واقف في مطبخنا البارد و فتحة الفرن على وجهي ... استحملت شويتين الين دخلنا الباص ... راعي الباص كان يبغى يتأكد مين اللي ماسك كويس ومين اللي مو ماسك ..راح اعطانا "نتعة" كان حيطيح على اثرها العديد من الضحايا خاصة الحريم الواقفين بثقة بدون ما يتمسكو (مسوين ام الشباب ... ينفع اقول ام الشباب؟؟) !! ... وصلنا باب الطيارة .. واستغرق صعود الدرج 5 دقايق !! طبعا من شدة الحر (الكلام هذا في العصر) نسي السعودوون واحدة من قواعدهم في احترام الحريم وتقديمهم ... كل واحد مسك شنطتو وطلع بس يبغى يفتك من هذا الحر ... احمد ربي ان سفري كان العصر وبشرى للي سفرو في عز الظهر !!
الباصات ممكن مهي مشكلة بحد ذاتها ... بس ان المشكلة الكبيرة ان مسؤولين الخطوط باين ما فهمو ان الرياض في عز الظهر مو زي ربيع كاليفورنيا !!

خدمات السعودية بشكل عام مقبولة احيانا ...لكن المشكلة ان الخدمات بتتدهور والاسعار بتزيد ... كأننا بندفعلهم فلوس زيادة عشان يزيدو من سوء خدماتهم .. عالعموم الحمد لله ان فيه طيارات ومطارات ( :

نسأل الله ان تكون حادثتي بسبب ظروف وقتية للخطوط والا يستمر هذا الحال كثيرا .. خلينا نتفاءل

الثلاثاء، 30 يونيو 2009

احلى...ادعس 180 ومن تحت الطيارات

اكيد سبق أن مرت بك طائرة من فوقك سواءا كنت تمشي أو وأنت في سيارتك..لكن هل جربت أن تعبر من تحت طائرات متوقفة؟

يبدو سؤالا غريبا ( :



قريبا سيتمكن سكان الرياض والزائرين لها من تجاوز صفة طويلة من الطائرات المصطفة في القاعدة..عبورا من اسفلها وبأقصى سرعة ممكنة


الحكاية .. أن الهيئة العليا لتطوير الرياض اقرت مشروع مد شارع العروبة(عفوا عالتعدي على ملكيات زميلي الكاتب شارع العروبة (: ) من نهايته في الغرب الى طرفه الأخير في الشرق والذي يسمى شارع الغافقي،وكان يفصل بين الضفتين القاعدة الجوية،ولكن لحاجة سكان الرياض المتزايدة سيتم انشاء طريق يصل الضفتين،ويمر بانفاق منها 3 تحت مدرجات الطيارات.

الأحد، 21 يونيو 2009

مبرووووك ... الرياض رسميا تحت رحمة الصيف

(تق ... تق ... تق )
1 new message
From : zezo


" لو تعلق عليها في الكورنيش

اليوم هو بداية دخول فصل الصيف رسميا ، وسط توقعات بارتفاع غير مسبوق بدرجات الحرارة "


شكرا عمي زيزو ... اهم شي ذاكر كويس

"""""""""""""""""""""

قال اليوم بداية دخول فصل الصيف رسميا ... قال ... الصيف ياعمي زيزو داخل في الرياض من يوم ما عرفت الدنيا ... يا خذ اجازة اضطرارية لايام معدودة في السنة ليعود السنة اللي بعدها بحر اكثر ... انا انصح الصيف والحر نصيحه لوجه الله .. ياحر شوفلك ناس غيرنا ... ياحر الناس هنا زي "الضبان" ... يستخبو طول النهار تحت المكيفات ولا تحت رحمة مكيفات السيارات ويطلعولك في الليل .. ما تحس بالقهر !! ما تحس ان محد يعبرك هنا .... ياحر روووح اوربا ... روح امريكا .. هناك والله حيصير "أكشن " ... حيصير لك حساب وصوت ... الناس تنقلب حياتها .. يمكن يموت كم واحد ( انتبه وقتها حيصنفوك مع القاعدة ) ... بس شفلك صرفه من جد ... شوف ناس غيرنا ...

اهل الرياض يازيزو يقدرو يتحملو هذا الحر بشكل عجيب وكأنهم بشر غييير ... بس تدري ان اهل الرياض محظوظين في الصيف ويمكن مستوى الايمان عندهم يرتفع ؟؟ اكيد ... كل يوم درس ايماني في تذكر يوم الحساب والوقفة ونعوذ بالله من حر النار ... في الرياض مع هذا الطقس الفظيع انقلبت عند الناس الموازيين ... يعني كم أحس بالفرحة لما أفتح الشباك الصباح وأشوف غبار .. وااااااااو ... بالرغم ان الجو كتمة بس أكيد حيكون يوم حلو لأن درجة الحرارة حتنزل كم درجة الى40 ...

انتبه ... في شي خطير حيصير هذي السنة يا صاحبي ... شركة الكهربا منزلة كم اعلان ان ياناس اقتصدو والا حتنقطع عليكم الكهربا ..واااا لو انقطعت الكهربا حتصير مصايب !! عشان كذا قفل سخانات بيتك لانك ما تحتاج سخانات خاصة اذا خزان مويتكم فوق البيت ... تصدق ان في الدش عندي الموية العادية في الظهر ممكن تكون أكثر حرارة من موية السخان (يعني لو ابغا موية باردة احط على موية السخان ) !! اقتراح ثاني ممكن يكون بايخ بس اتذكر اني شفت شي زي كذا في قصص ميكي : لو تبغا تطبخ بيض تقدر تطبخ على رخام الحوش !! شوف لو قفلت الكهربا لا سمح الله انا ما ابغا افقدك طول حياتي ... عشان كذا يا تكمل باقي الصيف في مسبح وتستعمل (السنوركل ) او انك تشفلك اي مكان ثاني في الدنيا ... تصدق خلاص سيارتك تنفع تكون مكان ممتاز ما تموت من الحر فيه ... بس انتبه لا تحط اي شي بلاستيك في السيارة ولا حيتحول الى كائن عجيب في اليوم اللي بعدو ...

يعني هذي توصيات سريعة مع التهنئة بالدخول الفعلي لفصل الصيف ... وتتقمر بالعافيه يا صاحبي ( اووو اسف ياعمي) ( :

الاثنين، 15 يونيو 2009

اشتري جملة مراوح الآن..وبعها مفرقه


علم "كورنيش الرياض" من مصادر خاصة في شركة الكهرباء
أننا مقبلون على صيف مليء بالإنقطاعات الكهربائية،في أنحاء مختلفة من المملكة
وقد بدأت الأنباء تتوارد عن انقطاعات في مكة والرياض والقصيم
اقرأ هنا وهنا
وهنا شركة الكهرباء تعترف بصعوبة المشكلة
وهنا مواطنون يعتقدون أن المشكلة لم تعد تحتمل مجرد الكلام
كورنيش الرياض ينصحك بالتالي:
1-لا تعتمد على شركة الكهرباء وحلولهم،ابدأ بتجهيز محيطك
2- اكثر من شرب السوائل،استعدادا لأي حر لن تطيق له صبرا
3- اشتري مروحة يدوية،فهي تبرد،وفيها احساس بتقاليد اجدادانا
4- اجعلها فرصة للإتعاظ،فالحر البسيط يذكر بالدار الآخرة وعقابها
5- لا تشتم بلدك،فهي في النهاية بلدك،ومن يعمل فيها هم من بني جلدتك،ولكن
اجعلها فرصة للتفكير:ما هو دوري في تحسين نوعية الحياة في وطني..افعل ذلك وأنت تشرب
عصير ليمون بارد

السبت، 13 يونيو 2009

وين الجاي حيكون ؟؟

وانا واقف في اشارة في شارع الامير تركي مع صاحبي ... جمس جمبنا نزل القزاز ودقلنا بوري ... اثنين شباب صغار الدخان طالع من سجايرهم ومسترخيين على المقعدة ويكلموني : ( وين مستشفى دله ؟؟) ... بحكم طريقة كلامهم ... والشارع اللي انا فيه ... عرفت انهم فكروني من رواد هذا الشارع بحكم سيارتي وحبو يتعرفو عليا باستهبال ... فرديت عليه : ( دور في طريق الملك فهد تلاقيها ) ... قال : ( وين في طريق الملك فهد ؟؟) ... فتحت الاشارة في هذا الوقت واللي جمبي كان يبغى يتدخل ويوصف بس انا قطعت السالفة وقلت :(عاد انتا دور هناك الين تلاقيها ) ... قال بعصبيه لانه ما توقع الرد : ( هيه ... ايش ادور هناك !!) ... سكينا الشباك ومشينا وبعدين قعدت اشرح للي جمبي ...

التحلية اول ما فتح كان "نخبة الشباب الضايعة" تروح هناك تتمشى وتستعرض سياراتها وتتقهوى ويستهبلو ويعملو كل اللي في راصهم ... بعد فترة بدأت الطبقة اللي أقل من هذول الشباب تغزو هذا الشارع ... فالنخبة هذي طفشت من اختلاط الطبقات وحاولت تنقل الى مكان خاص بيهم ... يصير يتعرفو على بعض بسهولة ويستعرضو براحتهم بدون ما يكون هناك ناس غير مرغوب فيهم في المكان ... في الفترة الاخيرة بدأت هذي المجموعة تنتقل الى أماكن جديدة ... شارع الامير تركي ... ومؤخرا ولبعض الفئات المحدودة صارت تروح للحي الدبلوماسي ... ( على فكرة في الفيس بوك في تجمع لرواد طريق الامير تركي الاول !!)

الشباب هذي تبغا مكان غير مختلط الطبقات ... لان هذي الطبقة غالبا اهتمامتها واحدة و مستواها الاجتماعي قريب من بعضها فيصير هناك الواحد يتعرف على اي واحد في مكان التجمع بدون الحاجة الى تعب لانهم بكل بساطة لديهم الدليل على ان بينهم الكثير من الاشياء المشتركة : " انني من تجمع هذا الشارع " ... ما اتوقع ان اي واحد يدخل في هذا المجتمع بسهولة بس لو دخل حيلاقي العلاقات متشابكة وحيتعرف على كل رواد الشارع بمجرد انه تعرف على احدهم ... انا اسمي هذول الشباب " الطبقة الريادية" لانهم هم الذين يحددو الجديد لمثل هذي التجمعات الى ان "يتلوث" هذا المكان فينتقلو الى مكان جديد !!

لكن يظل التحلية يحتفظ بالكثير بسبب ترتيبه الرائع وشهرته والكم الرهيب من المطاعم والمقاهي ... بس نصيحة للي رايح التحلية : ( جهز أذانيك كويس ... يمكن ترجع للبيت وطبلتك مفقوعة اذا كنت تتمشى على رجولك في الشارع او مسوي مستمتع بالجو وجالس في جافا تايم عالشارع – من زين الجو اصلا- !!)

الجمعة، 5 يونيو 2009

لا تفكر .. اكتب

يبدو ان ثقافة الكتابة عندنا تلقائية جدا ... القلم تلاقيه في الجيب العلوي للثوب غالبا عند كل واحد ... ويستل قلمه في اي مناسبه ليكتب تعليقه في اي مكان و مهما كان التعليق او التنبيه وبتلقائيه شديده .. فكل ما ندخل حمام اكرمكم الله لازم تلاقي عبارة ناصح : " وما من كاتب الا سيفنى ويبقي الدهر ما كتبت يداه " ... انا اول ما اشوف هذي العبارة اقعد اضحك بدون سبب مع اني لحالي في الحمام (اكيد لحالي) ..



هاليومين انتشرت ظاهرة في معظم الصرافات .... ملصقات تسديد القروض من ناس بدائيين وبطريقة غير منظمة وما يحتاج انك تكتشف بدائية رجال تسديد القروض هذي الى جهد كبير ... فالطريقة الهمجية اللي ملصقين فيها الاعلان تخليك تشك انهم نصابين ... على الصراف الواحد تلاقي اكثر من 15 ملصق من كل جهة وبأسامي مختلفة (واحدة ابو احمد والثانية ابو خالد ولا ابو مشعل ) والمشلكة ان كلها نفس التصميم فالواحد يشك يا ان هذا عمل نصب واحتيال منظم يدخل فلوس كويس او انه نفس الرجال بس مسوي ذكي !! طريقة همجية حقيقة في الاعلان وكأن مافي شي اسمه انترنت او اعلان في الجرايد ... لو كان العمل ما تدور حوله الشكوك ليش ما اعلنو بطريقة رسمية !!
بس عجبني اللي طلع قلمه بالتلقائيه اللي قلت عليها وبدأ يكتب على كل الملصقات اللي على الصراف :


جزاك الله خير ياعمنا بس كيف عرفت انه حرام ... مع اني اتوقع انهم نصابين !!


اما المنظر الثاني اللي ما عرفت افسره ابدا وبأي طريقة منطقية ليش هذا الرجال سوا كذا :


هذي قاعة في جامعة الملك سعود يستخدمها المركز الوطني للقياس والتقويم في اجراء اختبارت قياس لطلاب ثالث ثانوي ...
الرجال كاتب على الجدار وعلى يسار الجدار مباشرة الصبورة ... راح الرجال وبدل ما يكتب على الصبورة راح كتب عالجدار ... واللي يزيد الطين بله ان اللي كاتب هذا مسؤول في اختبار قياس ... يعني رجال واعي مو شاب مراهق يخرب !!
بس الله يخلف على بعض العقول !!

الجمعة، 29 مايو 2009

مطار الدايري !! عالبركة


تخيل نفسك ماشي في امان الله في شارع وتلاقي جمبك طيارة !!


احد اقاربي كان راجع لبيته الاربعاء (قبل يومين) الساعة وحده تقريبا في الليل وعلى غير المتوقع يلاقي زحمة مو طبيعية ... نهاية الدايري الشمالي مسكر !! قالو ان هلوكبتر طاح من شاحنة !!


في النهاية .. ابدت لنا الايام ما كنا جاهلين ... واتانا بالاخبار من لم نزود ..



طيارة الدفاع المدني ههبطت اطراريا في الدايري الشمالي ...




وعالبركة ... المطار الجديد ...



متابعة الخبر في جريدة الرياض

الخميس، 28 مايو 2009

أزمة المطار

السلام عليكم ...


كنت رايح مع أهلي إلى مطار الملك خالد الدولي في الرياض صالة الطيران الأجنبي .... دخلت وقصيت البوردينق بعدين جاءت الأزمة ...

صالة المغادرة كانت مليانة كعادتها إلى الآخر مع وجود رحلة إلى الهند اليوم فكثير من العمالة والمقيمين جايين يسافرون أو يودعون ولا أزودكم من الشعر بيت في رحلة إلى بريطانيا بوقت مقارب ....






طبعا الزحمة شي عادي قبل لا أقص البوردينق ... بس بعد ما قصيته أشوف الوجوه اللي في الصف ـ اللي وصل إلى كاشف المعادن ـ ما تغيرت ؟؟ استغربت لأني طولت عند البوردينق ... فقمت تتبعت الصف إلى أوله بنظري - مدخل منطقة الجوازات ـ مقفلين الباب وعندهم زحمة هائلة وتدافع بالأيدي والأقدام وكمل نظري داخل المنطقة هاذي - الكاونترات الحمراء - والا طلعوا ماقاعد يمشون أحد أبد ... ليش ؟؟؟؟





وبالأخير طلع في خراب في النظام مما سبب عدم القدرة على إدخال
بيانات المسافر وتسجيل خروجه

طبعا أنا استنتجت من الحالة هاذي الآتي :

١- تراجع : مافيه أي نظام معين أو ترتيب يسمح بتنظيم حركة
السير والتعامل مع الحالات الطارئة

٢- تقدم : أخيراً إبتدؤا في تغيير الأنظمة الأحفورية في المطار إذ يظهر
أن المشكلة كان سببها تعطل في النظام الجديد أو خطأ في تركيبه
يعني على الأقل فكروا إنهم يركبون نظام جديد



٣- تراجع : حتى النظام الجديد ما كان مدروس ومجرب عمليا إذ يقول أحد الضباط لأحد أصحابه معللاً هذه الأزمة " قاعدين يجربون النظام الجديد "

طبعاً في ناس فاتتهم طياراتهم و رحلاتهم وفيه ناس اختبصوا وفيه ناس هونوا عن السفر في ذاك اليوم






نظرة عامة : مطار الملك خالد الدولي هو الأكبر من ناحية المساحة وأظنه من الأقل من ناحية إستخدام مساحته فإن شاء الله يتغير الوضع إلى الأفضل

وشكراً


الثلاثاء، 26 مايو 2009

تنتظر رقمك = تصير واحد ثاني

دخلت طوالي الى الآلة السودا اللي يجلس جمبها موظف ... استغربت وسألت نفسي ايش فايدة الآلة اذا لازم يحطو واحد بشر جمبها عشان يشغلها !! ... لو يحطو موظف ومعاه ورقة وقلم ابو ريالين ويكتب ارقام للناس الجاية كان اوفرلهم !! المهم الموظف قعد يسألني عن طلباتي ويضغط على الآلة وكأني ما اعرف أقرا مع ان الاله مخصصة للخدمة الذاتية !! المهم اخذت رقم الانتظار وجلست انتظر الين يجي رقمي 166 ..

في البداية قعدت زي باقي الناس ... اعتدلت على الكرسي وبدأت اتصفح الوجوه حولي .. اخذت نظرة على كل وجه .. وبعدها طلعت الجوال وحاولت اشغل نفسي فيه شويه ... " في الاماكن العامة صار كل واحد يطلع جوالو ويسوي نفسو مشغول يرسل رسايل ولا يدق يزعج العالم !! " .. بعدها طالعت حولي املا ان الاقي وجوه جديدة ممكن اشغل وقتي بالتأمل فيها .. و اللي زاد ملل الانتظار ان ما في احد من اللي حولي جاه اتصال اشغل نفسي معاه واعرف قصة عيلته وزوجته وعياله ومشاكلهم !! نعم فالفراغ اساس اللقافة !! لا اراديا لقيت ورقة في يدي بعدما اغلقت ابواب صوارف الوقت .. طبعا الى الان انا انتظر ولسا ما وصل رقمي .. المهم اني لقيت نفسي لا اراديا ماسك ورقة وقاعد اقرا فيها ... " شهر عسل للعرسان " كانت الورقة اللي كنت اقرا فيها من الفضاوة ... مريت على كل كلمة تافهه لاتخصني موجودة في الورقة ... وبديت بعدها ادور في الاوراق الموجودة على الطاولة يمكن الاقي شي ثاني يسلي : " رحلات الى الطايف ومكة " .. بديت اقرا هذي الاوراق البايخة باستمتاع !! واخيرا رن الجرس وولعت الشاشة ... 166 .. الحمد لله جا الفرج ..

هذا المشهد يتكرر للكثير مننا وخاصة في الحلاق .. وفي مكاتب الخطوط احيانا او المستشفيات .. نضيع وقت كثير بدون فايدة وندور عن اي شي يشغلنا ...

اليوم جاتني فكرة مبادرة حلوة وسهلة سويتها لما رحت لنفس مكتب الخطوط المزدحم هذا .. اخذت معايا عدد مجلة نيوزوييك قديمة كنت حرميها ... وفي وقت الانتظار الطويل بدأت اقرا وحقيقة قريت اكثر من نص المجلة في وقت الانتظار ...بين فترة وفترة ارفع راصي ( راصي ها !!) واطالع في اللي حولي واحس بنظرات غريبة ما عرفت ايش افسرها ... حسيت انها نظرات حسد (حظ هذا عندو شي يتسلى عليه بدل هواية التأمل في وجوه الجالسين في الصالة ) ... ولما جا رقمي تركت المجلة بسهولة للأسود اللي حولي اللي كانت تنتظر قطعة اللحم هذي ...
حلو لو نترك في كل مكان نمر عليه اثر ... مجلة اوكتاب او حتى جريدة تستفيد منها الناس

هذي مبادرة حلوة وسهلة ولا تكلف ولا ريال ... بالعكس تفضي بيتك من المجلات والكتب والجرايد القديمة اللي ماتبغاها ... تفيد الناس وتنشر ثقافة القراءة بين الناس وترفع من ثقافتهم و تخليهم يطيرو ملل الانتظار ويستفيدو من وقتهم ....

الاثنين، 18 مايو 2009

انتبه ايش لابس !!

بعد ما خلصت الحصة ( الناس دايما يقولو ياخي كبرت وصرنا في الجامعة سميها محاضرة !!) .. المهم الطلاب طلعو يتمشو في السيب الين ما يجي المدرس ( او الدكتور ) ... انا احب اقعد انتظر في القاعة غالبا ... وانا قاعد وبعد ما طلع المدرس وبعض الطلاب وراه ... دخل طالبين من الطلاب اللي كانو معانا في المحاضرة وطالعو فيني مباشرة ... قالي الاول : " جزمتك فيها لفظ الجلالة من تحت " ... رديت عليه انكت عشان الطف الجو : " اجل كنت في عالم ثاني ... احنا في المحاضرة وانتا داخل جو مع الجزمة !! " ... قال : " لا مو انا اللي شايفه هذا اللي شافه " وأشر على صاحبو ... يعني صارت قضية ( في طالب لابس جزمة تحتها لفظ الجلاله ) وخلعت الجزمة عشان اشوف هذا اللي يقول عليه ...

المكتوب كلمة Paul


ترددت اخلع الجزمة وارجع حفيان للبيت ( :

تقريبا اتفقنا انها مؤامرة يهودية على الاسلام والمسلمين ( :

يعني ايش حيستفيدو لو حطو هذي الاشياء تحت رجولنا اللي ما اتوقع انهم قاصديين اصلا انهم يحطوها !! وحتى لو حطوها عن قصد هل تستاهل اننا نعيرها اي اهتمام اذا كانت العبارة غير واضحة ولم يعترفو بها .. صح لازم يصير عندنا كرامة بس مو نصير موسوسين ..

صار همنا كل واحد يطلع شي جديد ... يحبط مؤامرة جديدة قد تهدم اركان الدين فبذلك يكون قد انقذ الامة من شر محقق !!

اتذكر واحنا صغار طلعت اشاعة ان شعار كولاكولا بالمقلوب = لا محمد لامكة ... ولو تبغا تشوف المؤامرة لازم تمسك علبة الكوكاكولا وتوقف قدام مراية الحمام تماما وتركز عيونك على منتصف الشعار عشان تكتشف انهم مستقصدين بوضوح الاساءة الى الاسلام !!

ولا مطلعين على بيبسي pay every cent (to) save Israel !!

الين متى احنا في هذي التفاهات !!

السبت، 16 مايو 2009

سكة الحديد



السلام عليكم ...

عرف جيداً من خلال وسائل الإعلام أنه تم وضع مخطط لسكة القطار في الرياض و قد تم وضعه على الطريقة التالية :



١- طريق الملك عبدالله ( شرق - غرب )

٢- طريق العليا ( شمال - جنوب )

ويتوقع أن يتم بنائه كجسر ( يعني أعلى من مستوى الأرض )

وأن أول منطقة من مناطق الرياض سيتم إنشاء قطار فيها بعد العاصمة هي الخرج لسرعة تزايد كثافتها السكانية كما نقلت جريدة الرياض

ويتوقع ربط القطارين مما سيسهل صعوبات وعوائق عديدة ... و حسب خطط إدارة المشروع بأنه سيتم وضع شبكة من الباصات ( يعني نقل عمومي بمعنى الكلمة مب عليا-دلة اللي يعتبر عار على أي شركة نقل عمومي ) وسيتم تنسيقها للوصول إلى أقصى الأحياء الممكنة من مدينة الرياض ... مما سيؤدي إلى إنتعاش النقل العمومي في العاصمة و قلت إستخدام السيارات وتخفيف الزحام و و و و و ... إلخ

أما عن رأيي الشخصي فأراه من أعظم الخطوات التي تقربنا أكثر وأكثر إلى التطور والإستخدام السليم للتقنية وهذا القطار سيقلل من الكثير من المدفوعات والمصروفات على الوقود مما في ذلك فائدة إقتصادية عظيمة ...

فأراه ثلاثة في واحد : تخفيف زحام - طريقة نقل زهيدة نسيباً لمن لا نقل له - إقتصاد

هنا تأتي الأسئلة والاستفسارات :

متى سينتهي ؟؟ هل سيستخدمه المواطنون ولا يكون محصوراُ على العمالة ؟؟ هل سيتم وضع خطة خاصة لنقل النساء ؟؟ وغيرها من الأسئلة

والكثير منها ... أما الانتهاء فلا علم لي بموعده ولكنه محدد وأما استخدام المحصور على العمالة فأن أن المواطنون يسيتخدمونه لحاجتهم الماسه له وحتى لو لم يستخدموه فإنه سيقلل من سيارات العمالة التي تملأ الطرقات ... وأخيرا النساء فلا علم لي ولكن أظن وضع قاطرة خاصة لهم سيفي بالغرض و دوضع رجال أمن عنده أو حتى قاطرات للعائلات :) .... بالنسبة لباقي الأسئلة فالزمن كفيل بإجابتها

أأسف على الإطالة ولكنه موضوع شدني منذ فترة ,,, لا تبخلوا بآرائكم

وشكراً

الجمعة، 8 مايو 2009

شباب التحلية ..



يوم الاربعاء ما ادري ليش جا على بالي لاول مرة اروح مسرحية !!
قالولي مسرحياتنا مو على قد المستوى .. بس قلنا طيب خلينا نشوف ونجرب بنفسنا ..

تخيلت اني اجي الاقي اول 4 صفوف مليانة واجي انا اجلس لحالي في الصف الخامس ..
بس لما وصلت مواقف السيارات وشفت المنظر طارت كل الخيالات ... مواقف مسرح مركز الملك فهد الثقافي مليانة .. والمسرح الكبييير امتلت مدرجات دوره الارضي ومع نص المسرحية امتلا تقريبا كل المسرح ..
شفت ان كثير من الحضور شباب .. يعني تلاقي 4 شباب بدال ما راحو يدورو في التحلية جو يشوفو المسرحية ... شي ممتاز بس هل المسرحية تسوى ؟؟


"شباب التحلية " كان عنوان المسرحية و فكرتها عائلة فيها 3 شباب وابوهم و كل واحد شخصية مختلفة تماما ... واحد بدوي راعي شعر نبطي ... والثاني من حقون التحلية راعيين الكدش .. والثالث من نوعية الخكاريا "حمودي " .. ويوريك كيف حياة كل واحد ... طبعا المسرحية كلها هبل وكان انطباعي عن المسرحية سيء :


1- بالرغم من ان الممثلين جيدين والمسرحية مضحكة ومحمسة ... بس المشكلة في غياب الهدف من المسرحية سوا هدف الضحك والاستهبال ... بس في النهاية يقول ابوهم : ( انتو ما تمثلو شباب الوطن !! ) ... وكأن هذي العبارة الاخيرة كافية لوضع المسرحية في اطار محاولات الاصلاح وسمو الفكرة والهدف !! ... مثلا اللي يتابع المسرحية ممكن تصل له فكرة ان الخكري هو المحبوب والمطلوب والناس تحبه وهذي فكرة خطيرة قد تصل للاطفال الحاضرين ويتأثرو بها ...


2-
معظم الضحك والتنكيت كان عنصري ويتمركز حول البشرة السمراء ...

3- نص المسرحية رقص ... بس للامانة كان رقص محترف !!


انا مع المسرحيات وحقيقة انا انبسطت في هذي المسرحية بالرغم من هذي الملاحطات ... ياريت تصير المسرحيات كل اسبوع بس تكون هادفه وفيها فكرة وياليت ثقافية وتاريخية ... حضور المسرحيات كبير وممكن المسرح يكون مكان ممتاز لايصال الافكار فللمسرح دور كبير في ايصال الافكار وتنمية الثقافة ..

الأربعاء، 6 مايو 2009

هل حيصير الجينز سعودي ؟؟

قبل ما ادخل في موضوعي ابغا اقول شي :

الحين لو شفنا واحد مصري ببدلة محترمة وكرفته هل حنستغرب وننكر عليه ونقول : ( وين زيك المصري ياباشا) ؟؟
لا لان البدلة صارت تقريبا جزء من ثقافة اللباس المصري ...

طيب

هل تتوقع ان المصريين كانو يلبسون البدلة والكرفتة من زمان ... يعني قبل ايام محمد علي باشا والشلة ؟؟
ام انه لبس دخل الى المجتمع مؤخرا وانتشر حتى اصبحت البدلة زيا رسميا ...


اعتقد (قد يكون اعتقادي خاطئا ) ان البدلة دخلت مع الحملة الفرنسية على مصر ومن ثم مع الاحتلال الانجليزي بما ان كبار رجالات المجتمع في تلك الفترة بدأت تلبس البدلات اسوة بالمحتل ومن ثم بدأت الطبقات الدنيا تقلدها ... لان البدلة ارتبطت بالمكانة والجاه والمال ... فأرادت تلك الطبقات الدنيا ان تكمل النقص الذي تحس به من خلال تقليدها لتلك االطبقة الراقية من المجتمع !!

********

نخش في موضوعنا ..

قبل فترة ...
كنا نتكلم انا وواحد بعد ما شفنا ان الشباب اللي لابسين ثياب يعتبرو قلة في شارع كبير من شوارع الرياض ..

فقلنا خلينا نتخيل بعد 50 سنة ... هل ستصبح البدلة والجينز جزء من الثقافة السعودية -
بما ان الشيء لو انتشر واستمر لفترة اصبح جزءا من الثقافة - !!

مع اني اشوف ان الامر صعب يتغير والثوب له مكانة خاصة ولا احد يتنازل عنه في المناسبات الرسمية ... بس لما تشوف الكثير من الشباب في الشارع لابسين جينزات وتيشيرتات تسأل نفسك : ( على الاقل مو ممكن تصير الجينز لباس متعارف عليه كأساس في اي شي غير رسمي ... زي طلعات الشباب و جمعات الاهل الصغيرة !! )


انا اقول يمكن ... بس ليش !!


1- لان الثوب ما فيه شي مميز ... مجرد قماش ابيض والشباب خاصة ذي اليومين من طبعو يحب يلبس شي جذاب وفيه الوان وحركات ..


2- زي ما صار في مصر واصبحت طبقات الشعب تقلد الطبقة العليا من الوجهاء واصحاب المناصب حتى يكملو النقص اللي حاسين فيه ... الشباب هاليومين يقلدو الممثلين والموضات العالمية برضو لنفس السبب !!


لكن في تطور جديد صار في عالم الثوب يخلي الكلام اللي نقولو ممكن ما يكون صح !!


في الفترة الاخيرة ظهرت ظاهرة الثياب (الموديرن) ... ثياب جذابة ومثيرة وتنفع للشباب (كووول على قولتهم ) !! بالتالي الشباب قد يلبسوها برضى تام بدل الجينز والبدله ..


طيب مو مفروض نشجع هذا الجيل الجديد من الثياب حتى يصبح بديلا ولو جزئيا عن الجينز والبدله !! حتى نعتز بتراثنا ويصير اساسي في لباس شبابنا ..

حتى لو تطور عالم ازياء الثياب ممكن يصير الثوب موضة عالمية !!

(اتذكر قبل فترة اقامت شركة لومار معرض ازياء لهذي الثياب في جدة )!!


الاثنين، 27 أبريل 2009

بين العادات والدين !!

‎‎أهلا بكم في كورنيش جدة ..

جدة الآن ليست ملكا لأهلها ... جدة غرقانة بالسياح اللي من الرياض والشرقية ومن كل مكان من المملكة ... لو حصلت شقة ولو نص نظيفة فأنت محظوظ !!

قابلت صاحبي اللي جاي زيي من الرياض ...

ركب السيارة وبدأ يتكلم بغرابة :
أيش اللي يحصل هنا ... هل احنا في السعودية ولا جدة شي "شاطح" عن باقي المملكة ... ؟؟

وقعد صاحبي يحكيلي عن اللي شافه للتو على الكورنيش ... ما يحتاج اقول ايش شاف بس كان منظر مقزز وما نشوفو الا في الافلام او في المدن الاوروبية !!

سألني صاحبي ...
ليش جدة كذا ؟؟
ما كان عندي جواب ... احس انو سألني سؤال بديهي ما له جواب ...
زي لو سألك واحد : (ليش الرياض في السعودية )؟؟
بس برضو فكرت ...
ليش جدة غييير ... ليش جدة كذا ؟؟


جدة عبارة عن مجتمع خليط من ثقافات مختلفة ... أصولهم مختلفة ... ناس جاية من الهند ووسط آسيا ... ومن مصر والمغرب وغرب افريقا ... و اليمن وحضرموت وجنوب الجزيرة ... وأهل جدة الاصليين ... ومن كل مكان من العالم الاسلامي او حتى الغربي... فلما تدمج هذي الثقافات مع بعض ينمحي تقريبا العيب الاجتماعي وينكسر حاجز العادات والتقاليد ... ويبقى الدين والاخلاق والقيم والمبادئ والقليل من "العيب الاجتماعي " !!

تفسير بسيط ... ما ادري صح ولا غلط ... بس لو اعتبرناه صح ...

خلينا نطبق مبدأ العادات والتقاليد الاجتماعية على الرياض ..


العادات والتقاليد والعيب الاجتماعي شغالة بقوة في الرياض وهي المحرك الاساسي للكثير من مظاهر المحافظة والتدين لان الرياض منذ القدم كانت معزولة عن التأثيرات الخارجية .. فأصبحت العادات فيها شيئا مقدسا ... واصبحت العادات جزءا من الدين والدين جزء من العادات ...

وبسبب الانفتاح خفت حدة تأثير العادات على أهل الرياض ... وبما ان العادات مرتبطة بالدين صرنا نرى بعض المظاهر المخالفة للدين والتي لم يكن يمنعها من الظهور سوى العادات والتقاليد !!

الخير والتدين موجود بقوة وبكثرة في الرياض وما نقدر نجزم ان سببها العادات والتقاليد ... لكن اخاف ان مع الانفتاح نكتشف فجأة ان كثير من هذي المظاهر ليست سوى عادات ...

التربية لازم تصير على اساس الدين والقيم والاقتناع مو اساس العادات والتقاليد المفروضة لان العادات والتقاليد تتلاشى اما الدين والقيم هي التي تبقى !!


الجمعة، 24 أبريل 2009

استعد لهذه السبع




حذر علمائنا المسلمين دوما من مضيعات الوقت،هذه وقفة مع مضيعات الوقت الحديثة في مدينتنا الرياض:



1 تمسكك زحمة في طريق خريص


2 أن تضطر لمراجعة الأحوال المدنية



3 أن تبحث عن إستراحة مناسبةللإيجار

4 أن يكون لك تعامل مع موظفي بنك الراجحي



5 أن تشتهي 3شاورما لحم من ماما نورة وتنزل لشرءاها



6 الدخول إلى قلب حي العليا مساءالأربعاءوالخميس



7 أن تذهب إلى مبنى قناة المجد للمشاركة في برنامج



الثلاثاء، 21 أبريل 2009

محاضرة الدكتور بكار ..


بدون لوحات ارشادية لقيت نفسي قدام تفتيش سكن طلاب جامعة الملك سعود ... قلي (السيكيورتي) ديور (اي انعطف ( : ) ... وللأسف انحكت سيارتي من رصيفهم البايخ ) : ... شكلو كان عندهم اسمنت زيادة فصبو الرصيف بهذا الطول العجيب !! ...


المهم وقفت السيارة في المواقف الخارجية و دخلت من بين السيكيورتي وكان فوقهم لوحة اعلان عن المحاضرة ... دخلت سكن وقلت يمكن الاقي لوحة تدل على مكان المحاضرة ... للأسف ولا شي يدل على ان شي بيحصل !!
في النهاية وبمساعدة بعض الطيبين وصلت للمكان المستهدف ... مسرح الطلاب اللي مخبى ورى عمارات سكن الطلاب !!



عن أهمية القراءة كانت المحاضرة ولكن الدكتور عبدالكريم تطرق لامور عديدة

بالمختصر المفيد ححط اهم نقاط المحاضرة اللي عجبتني :


1- يجب ان ننوع قرائتنا في 3 مجالات :
أ‌- قراءة شرعية (تشكل 20 -25 % من قراءات الشخص)
ب‌- ثقافة عامة .. (فكر .. اقتصاد ... اعلام .. تاريخ ... وغيرها تشكل ايضا 20 -25 %)
ت‌- القراءة في التخصص ... ويجب ان تكون تكون 50 % على الاقل من قراءات الشخص .. والتخصص ليس شرطا ان يكون ما درسه الشخص في الجامعة وانما مشروع حياته الذي يرى انه سيخدم الامة به ..


2- الهدف من القراءة قد يكون منها :
أ‌- للتسلية ... ومعظم الاوروبين قرائتهم من هذا النوع وهو غالبا يرتكز على الروايات التي قد يكون بعضها مفيدا ولكن الاكتفاء بالروايات ليس بجيد ... الا ان الرواية جيدة للمبتدئيين فهي طريقهم لعالم الرواية ... انا عن نفسي ارى ان بعض الروايات افضل من بعض الكتب الجادة لكنها ليست كثيرة ويجب انتقائها و اشهرها الروايات التاريخية ..
ب‌- النوع الثاني من القراءة : لتحسين قاعدة الفهم والادراك والتحليل والاستنتاج ... ومن يقرأ هذه القراءة هم من يبلورون الافكار ليفهمو العالم بشكل افضل ..
ت‌- القراءة في موضوع لهدف تقديم شيء في هذا المجال (القراءة لإضافة المعلومات) .. والقراءة بنية النشر المكتوب او الشفوي ... لان الكتابة والنقل للموضوع يرتب افكارك .. فأفكار الانسان لا تتناسق الا عند الكتابة .. ولا فكر بدون انتاج فكري ...


3- تكلم الدكتور عن قضية الذكاء .. فالذكاء بمفرده لا يساوي شيئا ... فغبي مجتهد خير من ذكي متخاذل (من عندي ) ... مثلا راعي ابل في البر سولو اختبار IQ وطلع الرجال مقطع الذكاء حتى انو جاب درجة ذكاء احسن من انشتاين ... راعي الابل هذا حيقدر يكتب اسمو بدون ما يتعب ويتعلم الحروف ؟؟


4- العقل بطيء في استيعاب الواقع الجديد ... فمثلا لو نقلت ساعة غرفتك من وراء سريرك الى جانب الباب فستظل فترة لا تعي هذا الواقع الجديد وتنظر الى مكان الساعة القديم ... فالقراءة توعينا سريعا بوقائع العالم الجديد الذي يتغير يوميا وتزيد من قدرتنا على مواكبة العالم بإدراكه على حقيقته اللحظية ... (يحكيلي انكاس عن بعض من حريمهم الشيبان .... لساعهم عايشين في واقع وعالم ثاني : "شوف بنت فلان ايش سوت وبنت فلانة ايش عملت !! " تخيل نفس هذ العجوزة لابسة نظارة قرائتها وتقرا كتاب فريدمان " السيارة لكزس وشجرة الزيتون" !!) ...

5- هناك كتب لا يبغي ان يبذل وقت وجهد ومال في شرائها حتى حملها ... فهي تشوش ادراك المرء اكثر مما تفتح آفاق تفكيره وتعطيه صورة خاطئة عن العالم ... خاصة الكتب ذات الارقام والاحصائيات والتي يمكن التزوير فيها بكل سهولة. ( كنت اليومين الماضية في مؤتمر الغد وخلال اليومين سمعت ثلاث ارقام مختلفة لنسبة الشباب في السعودية ... المشكلة كل متحدث يقول النسبة بكل ثقة .. حتى ان واحد قال 70 % من المجتمع شباب ... وييييين ياعم !! ) .. فأقول ان الارقام يسهل اللعب فيها اما الحقائق والطبائع فهي غير قابلة للتزييف ...



وفي النهاية في عدة مبادرات ممكن تسويها لتفعيل دور القراءة ابتداء منك ونشرها في مجتمعك وعائلتك :
1- ابدأ بتخصيص نصف ساعة للقراءة يوميا كبداية ... (لو كنت تقرا اكثر فانتا واحد كويس ) !!
2- ابدأ بكتابة ما تهتم به من افكار حتى تستطيع ان تنظم معلوماتك وافكارك .. والمدونات ببلاش !!
3- تخصيص جزء صغير من الراتب للمصروفات (على اساس انك اب ) ... وتروح كل شهر تاخذ عيالك على المكتبة وتشترو كتب ومجلات حتى نعود اولادنا على ثقافة القراءة ...

الجمعة، 17 أبريل 2009

جاية جاية ..

تكلم اليوم إمامنا في خطبة الجمعة عن السينما ... انا حقيقة اقدر هذا الخطيب لانو يتكلم في مواضيع يومية ومشاكل تشغل بال الناس وتهمهم ... ففي نفس الوقت اللي يتلكم فيه كثير من الخطباء عن المسواك يخطب هو عن تأثير الازمة العالمية والدروس المستخرجة منها !!

خطيبنا تكلم اليوم عن اخطار السينما الكبيرة والتي لا شك ان لها تأثير سيء كبير على المجتمع ..
.

لكن ممكن البعض يقول ان الافلام صارت الحين في بيت كل واحد ولا فرقت لو دخلت السينما للسعودية !!

انا اشوف ان في ثلاث اضرار وفوارق بين عرض الأفلام في القنوات والبيوت وبين ان تعرض نفس تلك الافلام في السينما :
1- الاختلاط والمشاكل اللي تترتب بسببه ....
2- المناظر والافكار السيئة عندما يتابعها الواحد في غرفته غير لما يتابعها مع 200 واحد ... لان مع مشاهدة هذي المناظر مع عدد كبير تجعل الناس يعتبروها شيئا عاديا وقد لا يتفاجؤا عندما يرواها مستقبلا في الشارع ...
3- تصير السينما بعد فترة جزء من ثقافتنا خاصة بعد ما تصير الكثير من طلعات العوايل والشباب قائمة على السينما .. (مافي مشلكة لو صارت السينما جزء من ثقافتنا اذا كنا ننتج السينما الخاصة بنا )

عزيزي القارئ :
هل تتوقع ان السينما قادمة عاجلا ام اجلا ؟
اذا كانت اجابتك نعم فأكمل القراءة ..
اذا كانت لا فلا انصحك بالمتابعة ..

طيب يعني انتا تتوقع ان السينما جاية جاية .. بعد سنتين ولا عشرة !!

طيب اذا كذا هل من الافضل ان نشغل وقتنا بمحاولة منع السينما من الدخول الى مجتمعنا ام المحاولة في خلق وتفعيل سينما اسلامية بديلة (سينما اسلامية اي سينما لا تحتوي على اي شيء يخالف الشريعة مهما كان موضوعها ) ؟؟

خطيبنا الله يحفظو قال ان من يدعي اننا سننشأ سينما محافظه فهو واهم !! لان السينما الجذابة كما قال احد منشئي السينما الالمانية تقوم على أمرين : الجنس والعنف !!

انا اخالف الشيخ واشوف ان ممكن تكون هناك افلام جذابة مثل الافلام الوثائقية او التاريخية المثيرة او حتى افلام فيها عنف !! واحس ان اهم شي في الفلم الجذاب هي الحبكة ... وأظن ان اللي ينطبق على الافلام السينمائية ينطبق على فن الرواية ... (هل نجحت الرواية المحافظة ؟؟ )

و تجربة ايران في السينما تورينا اننا نقدر نسوي سينما جذابة بدون بعض العناصر المهمة ..

انا احس اللي ما يشوف افلام حقيقة محروم من فائدة كبيرة ( لكن محمي من مخاطر اكبر ) ... فالافلام تحتوي على الكثير من المعلومات الثرية حتى انك تشوف شباب عاديين عندهم معلومات رهييبة ...

لازم نعطي طبقات المجتمع المحرومة من حسنات السينما حقهم من خلال سينما اسلامية محافظة والا سيتوجه الكثير منهم الى السينما الاخرى (اشوف كثير من الشباب المحافظين بدأ تقل حساسيتهم تجاه الافلام العالمية ) !!
في مبادرات شبابية رائعة لانتاج افلام سينمائية سعودية محافظة فازت بجوائز عالمية زي مجموعة
Creative cinema... بس المشلكة الدعم المادي قليل جدا لزي هذي المبادرات بسبب عدم وعي رجال الاعمال بأهميتها .. (اتوقع ان رجل الاعمال ممكن يحتسب الاجر في خدمة عمل سينمائي اسلامي)

اذا لم نتقبل السينما من الآن ونبني السينما الخاصة بنا اللي تقوم على قيمنا ستغمرنا السينما العاليمة عاجلا غير آجل ... وستغمرنا بأفكارها وقيمها غثها وسمينها ...

يا لله كل واحد يروح ويسويلو فلم
( :


الاثنين، 13 أبريل 2009

تكفي 50 للسعودي ؟؟

أمس جاني أخويا الصغير يطلب مني فلوس عشان يعطي الحمالين اللي نزلو (الفرفيرة) للقبو في بيتنا ... كانو حمالين 2 من محل الالعاب اللي اشترينا منهم الفرفيرة ... طلعتلو 50 ريال اللي احسها اصلا كثيرة بس ماكان عندي صرف وهذول الناس ما تستخسر تعطيهم شي ... أخذ الخمسين وفتح عيونو بقوة وكأنو حيقول شي مهم ... قال : ( ترا الرجالين مو اندونيسينن ... تراهم سعوديين ) ... انا حقيقة استغربت ان السعوديين دخلو في هذي الوظائف اللي تطلب حمل اغراض ودخول بيوت ... بس قلتلو طيب وبعدين ... قالي : (هذول سعوديين ... يعني عادي 50 ريال ) !!

لا تعليق !!

الحين الشباب السعودي قاعد يدخل لمجالات جديدة كانت المجتمع يعتبرها عيب ... وهذا شي كويس .. حتى ان الحين الشباب اللي على الكاشيرات صارو واثقين من نفسهم وصار عادي يضحك وينكت معاك ...

بس لسا في حاجز بين المجتمع والشباب ... لسا كثير من الناس ما تحبذ تركب مع سعوديين لانه صعب يكاسرو في السعر خاصة !! لما تتعامل مع سعودي تاخذ مسألة العيب و (خوارم المروءة على قولتهم ) اما مع الاجنبي فتاخذ راحتك تماما ... والناس ما تحب مثلا سباك سعودي يدخل بيتها لانها ما ترتاح انهم يشوفو ويدخلو بيوتهم !! ويمكن لو شاف شي في البيت بالغلط يكون غير لو شافها سباك هندي مثلا !!


هل تتوقع يجي اليوم اللي يكون فيه السواق والشغالة سعوديين ؟؟

السبت، 11 أبريل 2009

عندنا اشياء حلوة !!

الأربعاء الماضي كنا في طريقنا الى الشرقية ... وكان فيه اكثر من تفتيش على الخط وكانت التفاتيش شغالة وتعطي مخالفات للمسرعين (مو زي بعض تفاتيش الزينة في الرياض) ...


وانتا ماشي على الخط في أمان الله تلاقي اكثر من سيارة على الجانب المعاكس ينورو النور العالي مع ان مافي سيارة قدامهم ... ليش ؟؟


اللي يمسك خطوط كثير يعرف معناها ... انا في البداية ما كنت انتبه لهذي الظاهرة بس بعدين اللي راكب جمبي نبهني ... هذي معناها ان في تفتيش قريب جاي ... فانتبه وهدي السرعة عشان ما يلقطك الرادار مسرع !!
والله عجبتني هذي الحركة ... مع انها قد تكون فيها تعاون ضد القانون ولكن فيه جانب حلو ... السعودي والعربي عموما متعاون ( نشمي) بطبيعته .... يحب يساعد ويعاون الناس .. أي حادث يصير تلاقي زحمة مو طبيعية والشباب ينزلو وأحيانا كثيرة ينقذو أرواح ... والحلو ان في شباب ياخذو دورات اسعافات اولية عشان هذا السبب وتلاقي ناس حاطين في سياراتهم عدة مساعدة كاملة ...



مرة كنا طالعين لجدة بالسيارة وغرزت سيارتنا على جمب الخط ... ما عدت دقايق الا واثنين عرضو علينا الخدمة من بينهم عائلة فيها اب وام واولاد ...


بينما الغربيين قاعدتهم ( حالي حال نفسي ) .. يحكي الدكتور احمد زويل : لما كنت في اول ايامي في امريكا وطلعت للشارع وكان مغطى بالثلج وتزحلقت وطحت طيحة قوية .. انتظرت ان الشارع كلو يوقف ويساعدني زي ما انا متعود في مصر ... وأتفاجأ ان الناس والسيارات تمر من جمبي ولا كأن شي حاصل ...



حلو لو نهتم بميزتنا هذي وننميها ... الحضارة ليست اجهزة وتقنية فقط ... انها قيم واخلاق ...

الثلاثاء، 7 أبريل 2009

اين تذهب هذا المساء 1

السلام عليكم ..



بعد ايام كثيرة من الطفش في شوارع الرياض ..



جات فعاليات ركاز لتغير الجو وتعطينا متنفس وتخلينا " نطلع لشي حلو ومفيد "



الاربعاء 8 ابريل .. الموافق 12 ربيع الاخر



دورة :: حيـــــاتي لهـــا معنــى ::




للمدرب .. :: سليمان العلي ::



من الساعة 5 عصرا الى 9 مساء



في مدارس الرواد ..



الحضور مفتوح للجميع رجال ونساء ..


ومجاناَ





أما الخميس ..



فموعدنا في صحارى مول



حيث اللقاء الجماهيري الرائع .. :: هذه بصمتي ::



للدكتور :: راشد الزهراني :: و الدكتور :: غازي الشمري :: والدكتور :: حميد الشايجي ::



وأيضا اللقاء المثير مع اول سعودي يصل قمة إيفرست ..



المنجز :: فاروق الزومان ::




من الثامنة والنصف .. حتى العاشرة ..



ايضا الحضور مفتوح للجميع للرجال والنساء







وبالنسبة لحبايبنا الكاتكيت .. يوم الجمعة مخصص لهم .. في صحارى مول .. فرقة ترفيهية للأطفال



من الثامنة والنصف .. حتى التاسعة والنصف ..






لا تضيع الفـرصـة .. وضع بصمتـك بحضـورك وإنجـازك



ومع ركاز .. يحلو الويكند ^_^


الأحد، 5 أبريل 2009

وين توقف شبشبك ؟؟

منظر مألوف اننا نلاقي جيش من الشباشب اكرمكم الله وكأن قنبلة نووية للتو نزلت على ذلك الجيش الـ(شباشبي) ...
بالضبط هذا هو المنظر قدام باب كل أو خلينا نقول كثير من المساجد ...


أنا هنا ما ابغى اركز على السلبيات ... هنا نبغى نعالج هذي السلبية ..


كمسلمين يؤمنون بالدين كمنهج للحياة نعرف ان هذي الحوسة لا تمثل أبدا الخلق الاسلامي ...

المساجد كلها حاطة رفوف للشباشب بس تأبى شباشبنا الا ان تنبطح على الأرض (و شبشبي أولهم )
!!


اذا انتا مضايقك هذا الفعل وعدم المبالاة في النظام والترتيب إيش تسوي :


1- ابدأ بنفسك .. من اليوم لا ترضى لنفسك انك ترمي الحذاء قدام باب المسجد بطريقة همجية حتى لو كانت الركعة حتفوتك ... واحتسب انك تاخذ اجر بالتزامك بخلق الاسلام في النظام ....

2- بعد ما تحط حذاءك حاول كل مرة تشيل حذاء واحد من على الارض وتحطو على الرف ... طبعا راعي الشبشب حيدور على شبشبو بعد الصلاة الين ما يلاقيه في الرف ( على غير العادة ) ... وبهذي الطريقة ( قد ) تصل رسالتك الى راعي هذا الشبشب (لمن كان له قلب ) ...

لازم نساهم في تغيير مجتمعنا للأفضل ... واللي تعجبو الفكرة يحاول يقنع واحد من اصحابو بالفكرة ... واحتسبو الاجر ... هذا هو الخلق الاسلامي .... وهذا هو الدين الاسلامي الصحيح ... دين النظام ...

الجمعة، 3 أبريل 2009

المطر وما يفعل !!

إن بعد العسر يسرا ... وبعد العج مطرا ...

ايش تأثير المطر علينا ؟؟ هل تغير شي في حياتنا اليومية ؟؟

1- في عادة حجازية أنهم يطبخو " رز بعدس " بمويه المطر ... طيب ليش رز بعدس بالتحديد ؟؟
الرز والعدس زمان كان ياخذ وقت طويييل في الطبخ ... بس موية المطر تخلي الطبخة تستوي بسرعة ... أظن عشان موية المطر مليانة نيتروجين !!
الحين صار الرز بعدس يستوي بسرعة حتى بالموية العادية وأتوقع ان هذا بسبب طريقة صناعية جديدة لتجفيف العدس أو مادة كيميائية فصار العدس ينطبخ بسرعة حتى بالمويه العادية ... بس العوايل الحجازية احتفظت بالتقليد هذا الى الآن وصار الغدا رز بعدس رسمي لما ينزل مطر ... حتى إننا نعرف ناس ما يطبخو رز بعدس الا لما ينزل مطر مع انهم يمكن يطبخوه بمويه عادية !
( (غدانا رز بعدس اليوم ( : )

2- في ناس مستحيل يقعد في البيت اذا شاف مطر .. على البر طوالي ...

3- في عادة ما ادري اذا موجودة ولا لا ؟ وهي ان العيلة تطلع تنظف الحوش بموية المطر بدل ما يستهلكو موية !!بس اتوقع ان الناس خاصة في الرياض مشغولة وما تهتم كثير بتوفير الاستهلاك (هذا لو كانو يغسلو احواشهم بنفسهم ) !!

4- بعض الاحيان تلاقي مساجد اول ما تنقط السما قطرتين يجمعو الصلوات(المغرب والعشا مثلا) !! طبعا كل هذا باجتهاد اهل المسجد فتلاقي مساجد تجمع وثانية ما تجمع !!
يعني مفروض المحلات ما تسكر لو فيه مطر باعتبار ان في ناس جمعو صلاتين ...
(المشكلة مافي نظام في هذا الخصوص ) ...

كل ناس اتوقع لهم عادة مرتبطة بالمطر ...
طيب انتا ايش يغير المطر في حياتك اليومية ؟؟ هل عندك عادة مرتبطة بالمطر !!

الثلاثاء، 31 مارس 2009

تحت رحمة الغبار

ما زلنا في الرياض خلال هذه الأسبوعين...نتلاقى مع الغبار أحيانا ونفترق أحيانا
سأكتب هنا عن بعض آثار الغبار على الحياة اليومية :
1- بلا شك أن نفسيات الناس هنا تتأثر بالغبار بشكل عام،تقابل كثير من الناس،فأول ما تقابله تكون الكلمة الأولى:ايش قصة الجو هذا؟!!...طبعا تقلب الجو في الرياض وبشكل سريع أصبح أمرا ملحوظا
2- "مصائب قوم عند قوم فوائد" لاحظت أن بعض المدارس يوم الأربعاء الماضي ألغوا منذ الصباح اليوم الدراسي..اظن أن هؤلاء الطلاب خرجوا ممتنين للغبار.
3- انتشرت الكمامات الخفيفة بشكل ملحوظ،أبناء هذه المنطقة كانوا يواجهون العواصف بدون أي استعدادت،لأنهم تعودوا عليها،لكن الزمان تغير.
4- انتشرت صور الغبار الأولى وبشكل سريع على الإيميلات،لدرجة أن البعض لم يعلم أن خارج نافذته عواصف بهذا الحجم إلا من خلال الإيميل.

لا اريد أن اطيل..أحببتها تدوينة خفيفة ،مفتوحة لإنطباعات القراء عن أجواء الحبيبة الرياض.

الثلاثاء، 24 مارس 2009

تجربتي مع القراءة - د.خالص جلبي

اليوم كان فيه محاضرة للطبيب والمثقف الدكتور والكاتب في جريدة الاقتصادية خالص جلبي ... وكانت محاضرة نظمتها مكتبة الملك عبدالعزيز تكلم فيها الدكتور عن تجربته مع القراءة ...

حقيقة عجبوني مكتبة الملك عبدالعزيز ... تعرفو ليش ؟؟
لأنهم عارفين قيمتهم وقدرهم وعارفين كم واحد حيجيهم ... فحطو المحاضرة في قاعة صغيرة ومرتبة


(للأمانه في صف كراسي ورا)


... مو زي بعض المحاضرات اللي يحسبو ان 100000 واحد حيجي فيحطو الفعالية في مسرح الاوبرا وآخر شي ما يجو الا عشرة ... خمسة منهم هما منظمين المحاضرة ... واثنين اصحاب المحاضر ... واثنين جايين للبوفيه ... وللأمانه واحد جاي يستفيد !!

المحاضرة كانت حلوة وممتعة ... وأبرز مافيها :


أفكار حول فن القراءة :
1- الكتاب الجيد هو : " الكتاب الذي تخرج بروح وتفكير آخر بعد قراءته " .
2- إعادة قراءة الكتاب الجيد : حتى يهضم ويصبح جزءا ثابتة في تركبيتنا المعرفيه .
3- يجب ان نقرأ ونؤسس انفسنا في كل فرع معرفي ... ثم نتعمق فيما يستهوينا ... حتى نقوي قوة الربط والاستشهاد والاستنتاج الصحيح ..
4- استخدام القلم وتدوين الافكار الجيدة مع ارقام صفحاتها في اول صفحات الكتاب الفارغة ..
5- اذا لم نفهم موضوعا فلنحاول الرجوع اليه بعد النوم .... فالعقل يعمل ويحلل المعلومات أثناء نومنا ...
6- قانون ديكارت : " لا تقرأ ما يكتب عن العظماء – ولا بأس - ... بل اقرأ ما خطته ايديهم " ...


وهناك بعض الافكار الأخرى :


- حتى نصنع طفلا قارءا ... علينا ان نبدأ معه اولا بالقصص المصورة ... ثم الروايات المشوقة ...

- كانت مشكلة الثقافة سابقا في شح المعلومات ... والآن المشكلة في فيضان المعلومات !!

- نحن نحتاج الى العقل النقدي اكثر من النقلي ... ونستطيع ان نبني ذلك عن طريق القراءة في الآراء المتباينة (مع التسلح بسلاح المناعة الفكرية) ... لذلك يرى الدكتور انه يجب ان لا يصبح هناك منع او رقابة الا على الكتب الاباحية ..

- "عندما يعمل العقل ... ينعدم العنف " ...



والدكتور جزاه الله خير طرح أسماء كتب أساسية مهمة وهي اللي غيرت تفكيره ( يسميها "كتب صادمة " ) ... وهي كثيرة ... بس منها كتاب محمد اقبال " تجديد التفكير الديني " اللي قراه الدكتور 20 مره ... مقدمة ابن خلدون ... رحلة ماجلان ... تاريخ البشرية ... سيرة حياة عبدالرحمن بدوي ... طبائع الاستبداد ومصارع الاستعباد لعبد الرحمن الكواكبي ... وغيرها ...


وطبعا ... اختتم اللقاء ببوفيه .... واللي لولاه ما جيت ولا جا عشرات زيي ( :