الثلاثاء، 4 مايو 2010

الرياض ما تخرش الميه !!

أشهد ان اللي بنا معامل الجامعة مخلص ,, كنا في عالم ثاني وماحسينا بشي الين طلعنا الساعة 2 والا الدنيا مقلوبة !

الشوارع مليانة ولوحات طايحة وشجر مقلع ... ناس غرقت وناس سبحت وناس فارشه على رصيف الدايري وقاعدة تصيد سمك ,, او ظبان !

مو غريبة ان الشوارع تغرق في ظرف ساعتين ؟
المطر كان كثيف بشكل غير مسبوق ,, الرياض كثير قد جاتها امطار قوية ومتواصلة بس من زمان ما غرقت زي كذا ,, اتذكر اخر مرة غرقت الرياض مثل هذي المرة أيام التمهيدي (يعني قبل 14 سنة تقريبا) وقتها وقفوا المدارس زي هذي المرة واتذكر كيف طرنا من الفرح لما وصلنا المدرسة وقالوا لنا مافي دوام رحنا انا واخواني كل واحد فتح "اللنش بوكس" وبدأنا نفطر في السيارة وبدأت بعلبة الكاكولا الصغيرة (كنا غير صحيين) ( :


بوصول مغرب امس كانت الصور والفديوهات مليانة في الانترنت والناس بدأت تروح تساعد ... تجمعوا شباب وقروبات تطوعية وبدأوا بمساعدة الناس والسيارات الغرقانة .. شي حلو لما تشوف سرعة الاستجابة .. لما تبادر الناس ويكونوا هما الاعلاميين وهم المنقذين وهم الكل في الكل ..

لكن احس ان الناس كبرت الموضوع شويا ,, بيتنا جمب الجامعة وعندي اختبار فما خرجت امس ولاشفت اللي حصل بس اليوم الصباح رحت اشوف ايش اللي صار ..


الدايري الشمالي ما كان فيه قطرة مويه ..


الصورة اللي تحت تبين امس كيف كان الشارع واليوم كيف صار (صورتين لنفس الشارع امس واليوم )





يعني التصريف ماكان سيء بتلك الدرجة ,, ما اقول ان الوضع تماااام بس الوضع أيضا ليس دمار ,, بس الناس نزلت نزلة قوية عالفساد ,, طيب يستاهل الراجل المسكين المدعو "فساد " كل هذا ؟؟
قد نعتبر ما حصل شي شبه طبيعي ممكن يحصل في اي دولة (قبل يومين غرقت مدينة امريكية بسبب امطار ) ,, في البداية ماكنت مقتنع بالكلام ان اللي حصل فساد واعتبرته شي طبيعي ممكن يحصل في اي دولة ,, لكن لما تقارن الاموال المصروفة مع النتائج يحق لك تزعل ,, الامانة بالفلوس المصروفة تقدر تربط على كل بيت "سفينة " نجاة احتياطية استعدادا لليوم الذي ستعود فيه الجزيرة مروجا وانهارا ,,

لما تسمع تصريحات متعالية تتمنى ان يحاسب المسؤولين على فشلهم الاداري وكبرهم الغير مبرر (مدونة سم ون) ,, اللي حصل عبارة عن خليط من سوء تخطيط وسوء متابعة وصيانة وقد لا ينجوا الفساد وينضم الى القائمة ...


فيديو انقاذ سائق شاحنة بعد غرق الشاحنة في احد "المسابح"

انقاذ اطفال غرق باصهم


حصل خير في النهاية كسبناها اجازة يوم وسمعنالنا كم نكته : ( هروب 600 سمكة من عمو حمزة والشرطة تطارد قرش في طريق الملك فهد – مكرمة ملكية : صرف سروال سباحة + لستك لكل مواطن وننوه ان نفخ اللستك من مسؤولية المواطن) غيرنا جو وصارت حاجة مثيرة رفعت ادرينالين عروق هل الرياض ..