الثلاثاء، 20 يناير، 2009

سعودي ولا ؟

اتذكر ... قبل 5 سنوات فقط ... عندما كان هناك ثلاثة طلاب في فصلنا يعاملون بطريقة مغايرة عن باقي الطلاب .. لسبب واحد فقط ...لانهم فقط ليسوا سعوديين !! ... اتذكر عبارات (سوري سوري طاط ...) ... اتذكر انه لما يتكلم هذا او ذاك يسكته الفصل بعبارات عنصرية فيرضخ ويسكت ...

لكن انا اشوف انا الوضع تغير الآن ... اللي استغربت منه في الجامعة ان هذي المظاهر اختفت نهائيا وكأنه ليس لها أي جذور .. معانا واحد سوري في الشعبة لكنه يعامل كأي إنسان .. يعامل كإنسان لا كـ(سوري) ... يتكلم براحته ... يعلق على الناس ...لا وحتى انه (يذب) على باقي طلاب الشعبة ويتقبل الباقين ... مع اني اتذكر انه في ايام المدرسة كان حق (الذب) محصورعلى السعوديين فقط ...

معاملة الناس على اساس الجنسية كانت منتشرة بكثرة وبطريقة لا معقولة وغير محتملة خاصة في الرياض على خلاف جدة اللي فيها تنوع ثقافي رهيب وتقبل للآخر ممتاز بحكم انها على الساحل ... فكرت ليش الامور في الرياض بدأت تتغير وجات على بالي ثلاث أشياء:

1- الانفتاح الاعلامي ، الافلام والبرامج التلفزيونية عامة والانترنت علمتنا انه يوجد هناك بشرا غيرنا في هذا العالم أفضل منا في بعض النواحي وجعلتنا نتواصل معها... واصبح الكثير يتعلق بثقافات اخرى ... وهذه الفكرة تجعل الفرد يفكر بطريقة متوازنة بعيدا عن العصبية و يحكم على اساس مايحمله الاخر من ثقافة ...

2- مع الانفتاح الاقتصادي افتتحت الكثير من الشركات الاجنبية فروعا لها في السعودية .. وعنما يتوظف السعودي في هذه الشركة يجد مديره اجنبيا ...وتكون هذه رسالة مؤثرة له ...

3- بعد ما اثر هذان الشيئان يأتي التأثير الاهم في وجهة نظري وهو تأثير متعلق بهما ...وهو انه مع تقبل الناس للثقافات المختلفة بدأت بعض الثقافات المهمشة بالظهور الى السطح مما ادى الى تنوع ثقافي كبير في المجتمع ... فاصبح الناس يقبلون ثقافة الاخر بطريقة اسهل بحكم انهم يعيشون في عالم متعدد الثقافات ...


هذي افكار على الطاير .. يمكن تكون صح ويمكن غلط ... اللي عندو اضافة لا يبخل علينا ...

هناك 11 تعليقًا:

asma qadah يقول...

تدري.. كنت أعاني من دا الشي في حارتنا القديمة مع اننا كنا خليط هنود على ماليزيين على تايلنديين على بدو! طبعاً المعاناة كانت من سلطة البدو على غيرهم.. بس لما نقلنا الحمدلله ماصار فيه أي معاناة زي أول..
دائماً المناطق الحدودية يكونوا أهلها متفتحين أكتر ومتقبلين للاندماج الحضاري أكتر من المدن الداخلية.. غير انفتاح الشعب على الحضارات حالياً زاد أكثر والجيل الحالي مو زي جيل زمان.. مع انه بنلاحظ برضو وجود تلاطيش كلام وعدم تقبّل للطرف الآخر من بعض الناس..

شارع العروبة يقول...

البدو الحين ابدا ماصار لهم سلطة قوية على الناس الثانيين زي زمان .. بالعكس صارو الناس يستهبلو عليهم ... حتى انو في ناس من البدو تحول تتبرى من البدو ويقعدو يستهبلو عليهم عشان يثبتو لمن حولهم انو مو بدوي !!

شكرا ...

zizo يقول...

ما احب اللي باقوله لكن ..
روح للبدوي اللي يقولك " البدو واخلاق البدو .وخليك من الحضر والبدو هم الرجال "

روحله يقوله " يابـدوي "

اذا مالحقك بالشرقي .. هذا وجهي
ليش زعل ؟؟

غير معرف يقول...

ليش الشي هذا موجود هنا بس ؟؟

موضوع شبه جميل

وشكرا على الجهد ههههه

شارع العروبة يقول...

طيب ياخي جاملنا شويا وشيل شبه ( :


شكرا على مرورك

sindbad يقول...

أنا أتوقع الأكثر من كذا ترا المرحلة الجامعية خلاص تحس إنك رجال وهذي الحركات أيام الثانوي !!
لو تروح ألحين لمدرسة ثانوي تلاقي هالأشياء ما زالت موجودة !!

وبرضو نقطة ثانية المدارس مسموح للأجانب إنهم يدخلونها أما الجامعات الحكومية ممنوع الأجانب يدخلونها سواء عربي ولا خليجي ولا غيرهم << إلا إذا كان أبوه دكتور في الجامعة(زي السوري اللي معكم) أو تجيه منحة للجامعة !!
محبك :)

sindbad يقول...

تعليق على نقطتي الأخيرة :
بسبب عدم وجود الأجانب بالجامعة ما صرت تشوف الإستهبال هذا كمان << هذا إذا ما انطبق عليه النقطة الأولى !!

يا رب تفهم كلامي ولا تتنح ؛$

شارع العروبة يقول...

Sindbad>>>

حلوة لا تتنح ( : بس للاسف تنحت شويا بعدين فهمت ... قعدت اقرا الجملة الاخيرة 3 مرات ..

التعليق الاول موافق عليه 100% وهذا السوري ابوه دكتور في الجامعة ...
بس للأسف ... لسا مدارسنا تعاني ... بس السؤال ليش فجأة تختفي ظاهرة التمييز هذا بمجرد الشاب يدخل الجامعة .. ولو تفكر بالمنطق مفروض ان (الاجنبي) يزيد الضغط عليه في الجامعة لسبب انه من النادر تلاقي اجنبي يدرس في الجامعات السعودية !!

همام محمد يقول...

مرحبا

الوعي يزداد عند الشاب الى يوصل إلى الجامعة عشان كذا ماتلاحضها

غير معرف يقول...

اشوف التحيز صار ضد البدو !

البداوة ليست عيب فمن لم يكن بدوي

او اجداده بدو فأتوقع انه لايمت

للجزيرة العربية بصلة

عالعموم اتوقع ان هذه الاشياء بدأت

تتلاشى فلاداعي لأثارة هذا النوع من المواضيع

أبان باهبري يقول...

لا ابدا ما في تحيز ضد البدو وعلى قولتك معظمنا اجدادهم كانو عايشين حياة البدو ..

المشكلة مو في البدو نفسهم المشكلة في اخلاق بعض البدو مثل التعصب هنا !!