الجمعة، 29 مايو، 2009

مطار الدايري !! عالبركة


تخيل نفسك ماشي في امان الله في شارع وتلاقي جمبك طيارة !!


احد اقاربي كان راجع لبيته الاربعاء (قبل يومين) الساعة وحده تقريبا في الليل وعلى غير المتوقع يلاقي زحمة مو طبيعية ... نهاية الدايري الشمالي مسكر !! قالو ان هلوكبتر طاح من شاحنة !!


في النهاية .. ابدت لنا الايام ما كنا جاهلين ... واتانا بالاخبار من لم نزود ..



طيارة الدفاع المدني ههبطت اطراريا في الدايري الشمالي ...




وعالبركة ... المطار الجديد ...



متابعة الخبر في جريدة الرياض

الخميس، 28 مايو، 2009

أزمة المطار

السلام عليكم ...


كنت رايح مع أهلي إلى مطار الملك خالد الدولي في الرياض صالة الطيران الأجنبي .... دخلت وقصيت البوردينق بعدين جاءت الأزمة ...

صالة المغادرة كانت مليانة كعادتها إلى الآخر مع وجود رحلة إلى الهند اليوم فكثير من العمالة والمقيمين جايين يسافرون أو يودعون ولا أزودكم من الشعر بيت في رحلة إلى بريطانيا بوقت مقارب ....






طبعا الزحمة شي عادي قبل لا أقص البوردينق ... بس بعد ما قصيته أشوف الوجوه اللي في الصف ـ اللي وصل إلى كاشف المعادن ـ ما تغيرت ؟؟ استغربت لأني طولت عند البوردينق ... فقمت تتبعت الصف إلى أوله بنظري - مدخل منطقة الجوازات ـ مقفلين الباب وعندهم زحمة هائلة وتدافع بالأيدي والأقدام وكمل نظري داخل المنطقة هاذي - الكاونترات الحمراء - والا طلعوا ماقاعد يمشون أحد أبد ... ليش ؟؟؟؟





وبالأخير طلع في خراب في النظام مما سبب عدم القدرة على إدخال
بيانات المسافر وتسجيل خروجه

طبعا أنا استنتجت من الحالة هاذي الآتي :

١- تراجع : مافيه أي نظام معين أو ترتيب يسمح بتنظيم حركة
السير والتعامل مع الحالات الطارئة

٢- تقدم : أخيراً إبتدؤا في تغيير الأنظمة الأحفورية في المطار إذ يظهر
أن المشكلة كان سببها تعطل في النظام الجديد أو خطأ في تركيبه
يعني على الأقل فكروا إنهم يركبون نظام جديد



٣- تراجع : حتى النظام الجديد ما كان مدروس ومجرب عمليا إذ يقول أحد الضباط لأحد أصحابه معللاً هذه الأزمة " قاعدين يجربون النظام الجديد "

طبعاً في ناس فاتتهم طياراتهم و رحلاتهم وفيه ناس اختبصوا وفيه ناس هونوا عن السفر في ذاك اليوم






نظرة عامة : مطار الملك خالد الدولي هو الأكبر من ناحية المساحة وأظنه من الأقل من ناحية إستخدام مساحته فإن شاء الله يتغير الوضع إلى الأفضل

وشكراً


الثلاثاء، 26 مايو، 2009

تنتظر رقمك = تصير واحد ثاني

دخلت طوالي الى الآلة السودا اللي يجلس جمبها موظف ... استغربت وسألت نفسي ايش فايدة الآلة اذا لازم يحطو واحد بشر جمبها عشان يشغلها !! ... لو يحطو موظف ومعاه ورقة وقلم ابو ريالين ويكتب ارقام للناس الجاية كان اوفرلهم !! المهم الموظف قعد يسألني عن طلباتي ويضغط على الآلة وكأني ما اعرف أقرا مع ان الاله مخصصة للخدمة الذاتية !! المهم اخذت رقم الانتظار وجلست انتظر الين يجي رقمي 166 ..

في البداية قعدت زي باقي الناس ... اعتدلت على الكرسي وبدأت اتصفح الوجوه حولي .. اخذت نظرة على كل وجه .. وبعدها طلعت الجوال وحاولت اشغل نفسي فيه شويه ... " في الاماكن العامة صار كل واحد يطلع جوالو ويسوي نفسو مشغول يرسل رسايل ولا يدق يزعج العالم !! " .. بعدها طالعت حولي املا ان الاقي وجوه جديدة ممكن اشغل وقتي بالتأمل فيها .. و اللي زاد ملل الانتظار ان ما في احد من اللي حولي جاه اتصال اشغل نفسي معاه واعرف قصة عيلته وزوجته وعياله ومشاكلهم !! نعم فالفراغ اساس اللقافة !! لا اراديا لقيت ورقة في يدي بعدما اغلقت ابواب صوارف الوقت .. طبعا الى الان انا انتظر ولسا ما وصل رقمي .. المهم اني لقيت نفسي لا اراديا ماسك ورقة وقاعد اقرا فيها ... " شهر عسل للعرسان " كانت الورقة اللي كنت اقرا فيها من الفضاوة ... مريت على كل كلمة تافهه لاتخصني موجودة في الورقة ... وبديت بعدها ادور في الاوراق الموجودة على الطاولة يمكن الاقي شي ثاني يسلي : " رحلات الى الطايف ومكة " .. بديت اقرا هذي الاوراق البايخة باستمتاع !! واخيرا رن الجرس وولعت الشاشة ... 166 .. الحمد لله جا الفرج ..

هذا المشهد يتكرر للكثير مننا وخاصة في الحلاق .. وفي مكاتب الخطوط احيانا او المستشفيات .. نضيع وقت كثير بدون فايدة وندور عن اي شي يشغلنا ...

اليوم جاتني فكرة مبادرة حلوة وسهلة سويتها لما رحت لنفس مكتب الخطوط المزدحم هذا .. اخذت معايا عدد مجلة نيوزوييك قديمة كنت حرميها ... وفي وقت الانتظار الطويل بدأت اقرا وحقيقة قريت اكثر من نص المجلة في وقت الانتظار ...بين فترة وفترة ارفع راصي ( راصي ها !!) واطالع في اللي حولي واحس بنظرات غريبة ما عرفت ايش افسرها ... حسيت انها نظرات حسد (حظ هذا عندو شي يتسلى عليه بدل هواية التأمل في وجوه الجالسين في الصالة ) ... ولما جا رقمي تركت المجلة بسهولة للأسود اللي حولي اللي كانت تنتظر قطعة اللحم هذي ...
حلو لو نترك في كل مكان نمر عليه اثر ... مجلة اوكتاب او حتى جريدة تستفيد منها الناس

هذي مبادرة حلوة وسهلة ولا تكلف ولا ريال ... بالعكس تفضي بيتك من المجلات والكتب والجرايد القديمة اللي ماتبغاها ... تفيد الناس وتنشر ثقافة القراءة بين الناس وترفع من ثقافتهم و تخليهم يطيرو ملل الانتظار ويستفيدو من وقتهم ....

الاثنين، 18 مايو، 2009

انتبه ايش لابس !!

بعد ما خلصت الحصة ( الناس دايما يقولو ياخي كبرت وصرنا في الجامعة سميها محاضرة !!) .. المهم الطلاب طلعو يتمشو في السيب الين ما يجي المدرس ( او الدكتور ) ... انا احب اقعد انتظر في القاعة غالبا ... وانا قاعد وبعد ما طلع المدرس وبعض الطلاب وراه ... دخل طالبين من الطلاب اللي كانو معانا في المحاضرة وطالعو فيني مباشرة ... قالي الاول : " جزمتك فيها لفظ الجلالة من تحت " ... رديت عليه انكت عشان الطف الجو : " اجل كنت في عالم ثاني ... احنا في المحاضرة وانتا داخل جو مع الجزمة !! " ... قال : " لا مو انا اللي شايفه هذا اللي شافه " وأشر على صاحبو ... يعني صارت قضية ( في طالب لابس جزمة تحتها لفظ الجلاله ) وخلعت الجزمة عشان اشوف هذا اللي يقول عليه ...

المكتوب كلمة Paul


ترددت اخلع الجزمة وارجع حفيان للبيت ( :

تقريبا اتفقنا انها مؤامرة يهودية على الاسلام والمسلمين ( :

يعني ايش حيستفيدو لو حطو هذي الاشياء تحت رجولنا اللي ما اتوقع انهم قاصديين اصلا انهم يحطوها !! وحتى لو حطوها عن قصد هل تستاهل اننا نعيرها اي اهتمام اذا كانت العبارة غير واضحة ولم يعترفو بها .. صح لازم يصير عندنا كرامة بس مو نصير موسوسين ..

صار همنا كل واحد يطلع شي جديد ... يحبط مؤامرة جديدة قد تهدم اركان الدين فبذلك يكون قد انقذ الامة من شر محقق !!

اتذكر واحنا صغار طلعت اشاعة ان شعار كولاكولا بالمقلوب = لا محمد لامكة ... ولو تبغا تشوف المؤامرة لازم تمسك علبة الكوكاكولا وتوقف قدام مراية الحمام تماما وتركز عيونك على منتصف الشعار عشان تكتشف انهم مستقصدين بوضوح الاساءة الى الاسلام !!

ولا مطلعين على بيبسي pay every cent (to) save Israel !!

الين متى احنا في هذي التفاهات !!

السبت، 16 مايو، 2009

سكة الحديد



السلام عليكم ...

عرف جيداً من خلال وسائل الإعلام أنه تم وضع مخطط لسكة القطار في الرياض و قد تم وضعه على الطريقة التالية :



١- طريق الملك عبدالله ( شرق - غرب )

٢- طريق العليا ( شمال - جنوب )

ويتوقع أن يتم بنائه كجسر ( يعني أعلى من مستوى الأرض )

وأن أول منطقة من مناطق الرياض سيتم إنشاء قطار فيها بعد العاصمة هي الخرج لسرعة تزايد كثافتها السكانية كما نقلت جريدة الرياض

ويتوقع ربط القطارين مما سيسهل صعوبات وعوائق عديدة ... و حسب خطط إدارة المشروع بأنه سيتم وضع شبكة من الباصات ( يعني نقل عمومي بمعنى الكلمة مب عليا-دلة اللي يعتبر عار على أي شركة نقل عمومي ) وسيتم تنسيقها للوصول إلى أقصى الأحياء الممكنة من مدينة الرياض ... مما سيؤدي إلى إنتعاش النقل العمومي في العاصمة و قلت إستخدام السيارات وتخفيف الزحام و و و و و ... إلخ

أما عن رأيي الشخصي فأراه من أعظم الخطوات التي تقربنا أكثر وأكثر إلى التطور والإستخدام السليم للتقنية وهذا القطار سيقلل من الكثير من المدفوعات والمصروفات على الوقود مما في ذلك فائدة إقتصادية عظيمة ...

فأراه ثلاثة في واحد : تخفيف زحام - طريقة نقل زهيدة نسيباً لمن لا نقل له - إقتصاد

هنا تأتي الأسئلة والاستفسارات :

متى سينتهي ؟؟ هل سيستخدمه المواطنون ولا يكون محصوراُ على العمالة ؟؟ هل سيتم وضع خطة خاصة لنقل النساء ؟؟ وغيرها من الأسئلة

والكثير منها ... أما الانتهاء فلا علم لي بموعده ولكنه محدد وأما استخدام المحصور على العمالة فأن أن المواطنون يسيتخدمونه لحاجتهم الماسه له وحتى لو لم يستخدموه فإنه سيقلل من سيارات العمالة التي تملأ الطرقات ... وأخيرا النساء فلا علم لي ولكن أظن وضع قاطرة خاصة لهم سيفي بالغرض و دوضع رجال أمن عنده أو حتى قاطرات للعائلات :) .... بالنسبة لباقي الأسئلة فالزمن كفيل بإجابتها

أأسف على الإطالة ولكنه موضوع شدني منذ فترة ,,, لا تبخلوا بآرائكم

وشكراً

الجمعة، 8 مايو، 2009

شباب التحلية ..



يوم الاربعاء ما ادري ليش جا على بالي لاول مرة اروح مسرحية !!
قالولي مسرحياتنا مو على قد المستوى .. بس قلنا طيب خلينا نشوف ونجرب بنفسنا ..

تخيلت اني اجي الاقي اول 4 صفوف مليانة واجي انا اجلس لحالي في الصف الخامس ..
بس لما وصلت مواقف السيارات وشفت المنظر طارت كل الخيالات ... مواقف مسرح مركز الملك فهد الثقافي مليانة .. والمسرح الكبييير امتلت مدرجات دوره الارضي ومع نص المسرحية امتلا تقريبا كل المسرح ..
شفت ان كثير من الحضور شباب .. يعني تلاقي 4 شباب بدال ما راحو يدورو في التحلية جو يشوفو المسرحية ... شي ممتاز بس هل المسرحية تسوى ؟؟


"شباب التحلية " كان عنوان المسرحية و فكرتها عائلة فيها 3 شباب وابوهم و كل واحد شخصية مختلفة تماما ... واحد بدوي راعي شعر نبطي ... والثاني من حقون التحلية راعيين الكدش .. والثالث من نوعية الخكاريا "حمودي " .. ويوريك كيف حياة كل واحد ... طبعا المسرحية كلها هبل وكان انطباعي عن المسرحية سيء :


1- بالرغم من ان الممثلين جيدين والمسرحية مضحكة ومحمسة ... بس المشكلة في غياب الهدف من المسرحية سوا هدف الضحك والاستهبال ... بس في النهاية يقول ابوهم : ( انتو ما تمثلو شباب الوطن !! ) ... وكأن هذي العبارة الاخيرة كافية لوضع المسرحية في اطار محاولات الاصلاح وسمو الفكرة والهدف !! ... مثلا اللي يتابع المسرحية ممكن تصل له فكرة ان الخكري هو المحبوب والمطلوب والناس تحبه وهذي فكرة خطيرة قد تصل للاطفال الحاضرين ويتأثرو بها ...


2-
معظم الضحك والتنكيت كان عنصري ويتمركز حول البشرة السمراء ...

3- نص المسرحية رقص ... بس للامانة كان رقص محترف !!


انا مع المسرحيات وحقيقة انا انبسطت في هذي المسرحية بالرغم من هذي الملاحطات ... ياريت تصير المسرحيات كل اسبوع بس تكون هادفه وفيها فكرة وياليت ثقافية وتاريخية ... حضور المسرحيات كبير وممكن المسرح يكون مكان ممتاز لايصال الافكار فللمسرح دور كبير في ايصال الافكار وتنمية الثقافة ..

الأربعاء، 6 مايو، 2009

هل حيصير الجينز سعودي ؟؟

قبل ما ادخل في موضوعي ابغا اقول شي :

الحين لو شفنا واحد مصري ببدلة محترمة وكرفته هل حنستغرب وننكر عليه ونقول : ( وين زيك المصري ياباشا) ؟؟
لا لان البدلة صارت تقريبا جزء من ثقافة اللباس المصري ...

طيب

هل تتوقع ان المصريين كانو يلبسون البدلة والكرفتة من زمان ... يعني قبل ايام محمد علي باشا والشلة ؟؟
ام انه لبس دخل الى المجتمع مؤخرا وانتشر حتى اصبحت البدلة زيا رسميا ...


اعتقد (قد يكون اعتقادي خاطئا ) ان البدلة دخلت مع الحملة الفرنسية على مصر ومن ثم مع الاحتلال الانجليزي بما ان كبار رجالات المجتمع في تلك الفترة بدأت تلبس البدلات اسوة بالمحتل ومن ثم بدأت الطبقات الدنيا تقلدها ... لان البدلة ارتبطت بالمكانة والجاه والمال ... فأرادت تلك الطبقات الدنيا ان تكمل النقص الذي تحس به من خلال تقليدها لتلك االطبقة الراقية من المجتمع !!

********

نخش في موضوعنا ..

قبل فترة ...
كنا نتكلم انا وواحد بعد ما شفنا ان الشباب اللي لابسين ثياب يعتبرو قلة في شارع كبير من شوارع الرياض ..

فقلنا خلينا نتخيل بعد 50 سنة ... هل ستصبح البدلة والجينز جزء من الثقافة السعودية -
بما ان الشيء لو انتشر واستمر لفترة اصبح جزءا من الثقافة - !!

مع اني اشوف ان الامر صعب يتغير والثوب له مكانة خاصة ولا احد يتنازل عنه في المناسبات الرسمية ... بس لما تشوف الكثير من الشباب في الشارع لابسين جينزات وتيشيرتات تسأل نفسك : ( على الاقل مو ممكن تصير الجينز لباس متعارف عليه كأساس في اي شي غير رسمي ... زي طلعات الشباب و جمعات الاهل الصغيرة !! )


انا اقول يمكن ... بس ليش !!


1- لان الثوب ما فيه شي مميز ... مجرد قماش ابيض والشباب خاصة ذي اليومين من طبعو يحب يلبس شي جذاب وفيه الوان وحركات ..


2- زي ما صار في مصر واصبحت طبقات الشعب تقلد الطبقة العليا من الوجهاء واصحاب المناصب حتى يكملو النقص اللي حاسين فيه ... الشباب هاليومين يقلدو الممثلين والموضات العالمية برضو لنفس السبب !!


لكن في تطور جديد صار في عالم الثوب يخلي الكلام اللي نقولو ممكن ما يكون صح !!


في الفترة الاخيرة ظهرت ظاهرة الثياب (الموديرن) ... ثياب جذابة ومثيرة وتنفع للشباب (كووول على قولتهم ) !! بالتالي الشباب قد يلبسوها برضى تام بدل الجينز والبدله ..


طيب مو مفروض نشجع هذا الجيل الجديد من الثياب حتى يصبح بديلا ولو جزئيا عن الجينز والبدله !! حتى نعتز بتراثنا ويصير اساسي في لباس شبابنا ..

حتى لو تطور عالم ازياء الثياب ممكن يصير الثوب موضة عالمية !!

(اتذكر قبل فترة اقامت شركة لومار معرض ازياء لهذي الثياب في جدة )!!