يوميات سعوزلندي 5 #____________#

يوميات سعوزلندي ٥ #___________#

× ترا تنفع تقراها وانت بالزحمة ^__^×


لا تطلع !!!!
ههههههههههه
ايوا ! تعال اقرا وبعدين امش !!

السلام عليكم !

هذي تكملة لسلسة يوميات عشتها في نيوزيلندا صيف ٢٠١١ !

الجزء الأول : http://kriyadh.blogspot.com/2012/02/blog-post.html
الجزء الثاني : http://kriyadh.blogspot.com/2012/02/2.html
الجزء الثالث :http://kriyadh.blogspot.com/2012/02/3.html
الجزء الرابع : http://kriyadh.blogspot.com/2012/03/blog-post.html

^^^^^^^^^^^
طب على اي وحدة وتنق ! 

---------------------------------

وبعد انقطاع يرجع "سعوزلندي" محملاً بقوافل الفهاوة XD

اي كلام يجي بعد هالرمز (#) هو الكلام الي كان براسي وقتها ! أو سالفة شاطحة ^__^

وبسم الله نبدأ !

الجزء الخامس-------------------------------------------------------------------------------

"واللي مايعرف يودع ="( "

# اسحبوا عالعنوان شوي وبنرجعله !! XD #

جانا رمضان هناك !

وبدا أول يوم صيام وكذا !!

وأنزل والاقيهم مجتمعين بالصالة << العايلة يعني !

قالتلي الأم : الحين هذا اول يوم من رمضان عندكم صح ؟

قعدت اناظر بخشتها !! قلت : ايه (وانا مستانس) غريبة وش دراكم ؟

قالت : بالعادة كل الطلاب الي يجونا من السعودية يبدون يصومون هالفترة ^__^ الا واحد ماكان يصوم :( ! هل هو عادي عندكم اذا شفتوا واحد ما صام !!

انا ما عرفت وش اجاوب صراحة !

قلت : مممممم سعودي هو ؟

قالت : ايه ومسلم !

قلت : ممممم شوفي !! مافي امة كاملة ! يمكن تلاقيني انا اصوم وغيري يشرب عاادي جداً !!

المسألة ترجع لإيمان الواحد وتعلقه بدينه !! فعشان ديننا قوي وكل من دخله مافرط فيه تلاقين اغلب المسلمين واضحين ومتمسكين ومعتزين بدينهم ^__^ 

قالت : اهاا !! مو زينا ! آخر مرة طبينا الكنيسة كانت بالابتدائي وبالغصب من اهلنا بعد !! هههههههههه

قلت : هههههه طيب الحين ناوين تودون جاك بعد ؟ << ولدهم جاك ! تم ذكره آنفاً ! 

قالت : لااااا خليه يسوي الي يبي !!

قلت بنفسي ! ايييه عز الله الي فلحتوا !! وأناظر بخشة جاك !

واقول بنفسي !! الله يصبر أهلك بس !!

# على الطاري ! الرسمة الي جنبه رسمتها انا وياه !! خخخخخخخخخ واضحة ان علامة

النازية من عندي XD

وطبعاً لتعدد الثقافات في الرسمة!! قررنا نسميه makarov makoya !! هههههه داري انه اسم سلاح بكود بس مشت عليه XD #

تحذير ! في شطحة ماشية مليون !!--------------------------------------------------------------------------------------------

وحاااايل دياااري ~~~~~~

خخخخخ

لقيت هالرسمة على جدار جنب المول !

نكمل ^_____^ --------------------

خلصت الدوام على الساعة أربع !! علماً انهم يأذنون المغرب الساعة ٦ تقريباً !

وكان الصيام الحمد لله ميسر يعني !! مافي حر ...الجو باارد مع رش خفيف ^__^

كلمت كم واحد عشان نفطر وكذا !

المهم عزمنا "فواز" ببيته عشان الفطور !! قلتلهم دام باقي ساعتين !! بأرجع البيت

وأتروش !! 

# أتروش = أتحمم = اخذ شاور = بآخذ جمام = بأتنظف !!! فهمتوا!! ياخي مشكلة اختلاف اللهجات في بلدنا العظيم #

رحت للبيت ... نزلت من الباص متوجه للبيت ..

بالعادة وانا راجع ! لازم امر من عند بيت جيرانهم !! ودايم يكون عندهم بزارين الحارة كلهم مجتمعين !! عشااااان ايييييييييش !!!!!!

عشان هذولا عندهم نقيزة !! ههههههه وتحسبون بس شعبنا الي يحلل ام الأشياء !!

المهم قعدت اسولف معهم... كلهم اعمارهم كبر جاك او حوله من ٩ الى ١١ سنة !!

ناداني واحد منهم يقولي : تعال تعال احمد بأوريك شي !

O_o

انا مالي خلقه صراحة ! صايم وماعندي وقت !! قلت تراني مستعجل !

قال : تعال تعال ماراح نطول !

رحت وراه ودخلت قراج بيتهم !!!!

# والله ومن دون مجاملات !! اني كأني داخل "الأزقة" حقت العصابات الي زي الأفلام !! 

لمبة برتقالية ضعيفة !! ومافي باب في قماش كذا بس زي الساتر !...#

دخلت ! وقام يوريني وش عندهم !! لا حظت ان فيه زي الغرفة بنص القراج ! جدرانها خشب !

قلت وش فيه هناك !! 

قال: تعال اوريك !

~___~

ورحت وراه !

الغرفة هذيك كان فيها سرير !! وصور مش كويسة على الجدران !!! سألت : غرفة مين ؟

قال غرفة اخوي !!

شوي ودخل علينا اخوووه >_______<

يخرب بيت الوررررطة !!!!!!!!!!

انا وثلاث بزارين بغرفته ! يا عبيبي !! 

جا سلم علي ! كيف حالك؟  من انت ؟

اهااا انت السعودي الي ساكن عند جاك !! اهلاً اهلاً تفضل !!

قلت لا والله لازم اروح !! زين شفناك ... ^___^

#اشوا انه بنفس عمري ولا كان علوم !! #

قال متى ماودك تجي حياك ^_^

ماتقصر !!...

مسكني البزر وقال اصبر بأوريك وش عندنا !! << يالييييييييييل ام ذالبزر !!!

ويجيب لي كيس فيه حشيش O_________O

انا ناظرته كذا !!!

قلت وش ذا ؟؟؟؟؟؟؟؟؟؟؟؟؟؟؟

قال : weed ^___^

قلت : طيب تراك صغير ممنوع << طبعاً ماعندهم شي حرام !! عشان كذا قلتله ممنوع !

واذا درت الشرطة بتدخلك السجن !!!!

قالوا : بتعلم الشرطة !!!!!!!!!!!!!!

قلت : اذا استمريت بأعلم !!! 

رد علي الكبير : ههههههههههه انت ماتدري ان هالبزر هو الي يروج ويبيع للحارة كلها !!!!!

O__________O

ايييييييييييييييييييييييييييش!!!!!!!!!!!!!!!!!!!!!!!!!!!!!!!!!!!!!

طيب توك صغير !!

-عادي محد يدري الا حنا وانت ! 

# انا قلت وش هالورررررطة !!! والله اني جاي ادرس انقلش مو جاي احشش !!! خفت من الوضع ان يدخل لينا واحد الحين وآكل تراب !! حرصت اني ما ألمس شي عشان في حال صار شي عشان ماتكون بصماتي موجودة !! #

قلتلهم هذا شي محرم عندنا وانا بأمشي !! ( كان وجهي معصب وقتها عشان يدرون الوضع جد)

طلعت من القراج حقهم ويطلعلي خوي اخوه الكبير !!

- hey how are u !!

- fine thanks >> وانا قاعد امشي بسرعة !!

مشيت بسرعة للبيت قبل ما يصير شي !!!!

قعدت افكر !!

# وش هالمهزلة والانحطاااط في مجتمعهم !!!! بزارين يبيعون حشيش !! اذا من الحين يبيعون عاد اذا كبروا وش بيسوون !! #

تعوذت من الشيطان !! ما اقول الا بس الله يكتب لي اجر الصيام XD

وصلت البيت

تروشت ويوم جيت بأطلع رحت لـ ( مايك )

قلتله لا تخلي ولدك يمشي مع هالأشكال !!

قال : ليش ؟؟

قلت : لا تخليه يمشي معهم وبس !! 

قال : ليه شفت شي !

قلت : وليتني ماشفت !!

قال : تدري ان ولدي "جاك" قد كان يدخن!! 

O__O

وشووو !!!

قال : صدق !! ترا مرة منتشر هالشي !! وحنا نعتبر مهتمين ترا !! على عكس غيرنا !

قلت : طيب ليش كذا منتشر نفسي اعرف !! صغار ياخوي!! ماتخاف ولدك يصير مثل هالأشكال !

قال : اكيد دايم اخاف ! عشان كذا احاول اخليه قريب مننا ونعطيه الي يبي وندلعه ونخليه يحبنا عشان على الأقل مايسحب علينا زي ماسوينا بأهالينا !!

علمته عن موضوع بر الوالدين ! وانه قاعدة اساسية في الإسلام ! وانها جات بعد امر العبادة لعظمتها !!

{ وقال ربك الا تعبدوا الا اياه وبالوالدين إحساناً }

قال : ممممم يمكن مرات الاسلام هو الحل !!

وصرف الموضوع وراح المطبخ !!!

ناظرت الساعة وكالعاااااااادة !! متأخر ! وادعس !

وصلت قبل الأذان بدقايق !

والله شفت منظر خطير ^___^

دلة ! وتمر ! وقشطة ! وفيمتو ! وسمبوسة ="")

ولقيمات ! وشوربة كويكر !

يعني سفرة سعودية بمعنى الكلمة !!!

--------------------------

مرة كنت بالويكند قايم بدري الصبح !

جاني "جاك" يقولي اليوم بنروح نلعب كورة مع فريقنا ! عندنا دوري .. وودنا تجي تشوف لعبي!! وتعلمني حركات !

هنا أنا حسيت اني ناصر القصبي XD !! مابقى الا زر أحمر ويزبط الوضع !

وقلت خلني اروح اتفلسلف على روسهم !! خخخخخخخخ

هذي صور للتدريبات والماتش #__#

^^^^^^^^^^^^^^

وهذا مايك !!!!!

الي تنتظرون تشوفون خشته !

"مدري بس مرات حلو نسمع عن الواحد بس مانشوفه XD "

---------------------------

جاتني رسالة من احد زملاي يقول ان الشيخ "ابراهيم الحقيل" جاي لمدينتنا عشان يلقي محاضرة بكرا !!

اليوم بنعزمه ببيتنا ! حياك انت ومن معك ^_^

"

"

"

انا قلت الفرصة ماتتفوت ! نشبك الشيخ ونجلس معه ^__^

توجهت لبيته بعد المغرب ....

هذي كمن صورة للعشاء ^__^

طبعاً الشيخ زي ماهو واضح هو الي متوسط اليسار !

بعد ما خلصنا عشاء وسلمنا عالشيخ ومشى !

كانت الساعة متأخرة !

ومافي نقل عام وقتها (باصات)

فقلت الي بيروح حول منطقتي يذبني بالبيت ^___^

قام واحد وقال امش أوصلك !

أول مرة أعرفه ! وشكله ان شاء الله انه محترم ... ركبت معه ووصفته البيت !

وقعدنا نسولف وكذا !

راح فجأة شطح وقال : 

انتبــــه !!

لا تشرب ... لو يصير ايش لا تشرب !!

O______o

# حسيت معي بوطل ويسكي وأغمزله وأنا سكران خخخخخخخ XD #

قلت : طيب وش دخل !! يعني شكلي اشرب ؟

قال : لا بس أعلمك يعني ... صدقني مع اول رشفة تشربها بتدمنه !!

قلت : طيب شكراً عالنصيحة ^___^

سكتنا شوي ! ورجع يقول !

انتبه ! >> انا قلت بنفسي يالييييييييييييييييييل !!!!!! وش ذالمحنة !! لو انه مايوصلني ولا كان زبدت له !

ثمن قال :

شف ! انا راعي بنات !! واطلع معهم وانام وكذا ! واطلع مرات مع اخوياي للبار ! هم يشربون وانا أشبك بنات ! 

#طبعاً انا قاعد أناظر O_O ولا ادري وش يبي بالضبط!! حاولت اربط وش يبي من هالسوالف ما قدرت!!!!!!!!! #

ويكمل:

دايم اخوياي يقولون لي اشرب بس انا حافظ نفسي !

# 

اخسسس ي الوقور !!

ي العريفي !

ي راكع ساجد !

ي الي لحيته تسحب بالأرض !

ي فقااااش !!!

ي عابد بني اسرائيل !

ي فقاااااش !!!

#

ويسولفلي ويقول  :

انه يشوف الي زيه اهون من الي يشربون !! بس ماعنده مشكلة يمشي مع ناس يشربون بس مايتدخلون فيه !

مرة كان مع اخوياه في بار !! ويجيه خويه ! الا يغصبنه يشرب !!
 يقوله : ياخوي الى متى وانت عالبنات ! اشرب ووالله ان تفلها ...

يقول انا عصبت من خويي ! يعرفون انه ما يشرب ولا يحب احد يغصبه !

المهم ويجيب الكاس ويشربونه غصب !!!!!!

يقول عصب عليهم وخذى خويته وطلع !! وقال لهم هذا اخر مابيني وبينكم !

من بعدها ما شافهم  ...

وسألني : بيتك من هنا ؟

قلت : لا اللفة الي عقب ..... ايه كمل !

قال : ايه اقولك ..

انا الحين الحمد لله احب وحدة ! وعايش معها وان شاء الله بتزوجها بالحلال ^__^

# عقب ما قال "بالحلال" انا قلب سامري براسي ! هههههههههههههههههههههههههههههههههههههههههههههههههههههههههههههههه

والله عيب يارجل !!!

مو كذا طيب !! قل انا غبي ! لا قل قل انا غبي !! خخخخخ =")#

وكمل :

وانا الحين بأنقل لهاملتون >> مدينة بنيوزيلندا .

وبآخذها معي هناك ! صراحة طففشت من هالمدينة والناس الي فيها ...

هذا بيتك ؟

قلت : ايه بس هنا ^__^

ماتقصر عالتوصيلة :)

قال : لا ابد عادي اي وقت ^__^ وسجلي رقمي عندك اذا تبي بنات ولا شي ^__*

قلت : تعرف كم عمري ؟

-لا

قلت : انا بثالث ثانوي !

- اووف حسبتك متخرج والله !

قلت : ايه مو اول مرة !

بس شف ... النصايح الحلوة الي عطيتني اياها انت كنت جاد يعني وانت تقولها ولا تستهبل ؟

- لا ما استهبل !! جاد والله .

قلت : 

اييه ! ... شف يا طويل العمر !

لا عاد تنصح احد تكفى -__-  ... اتكلم جاد !! انا مشيتها بس يمكن غيري يتأثر ويتشجع يسوي الي انت تعتبره شي سهل !! 

وهو شي مو سهل ابداً !!!!!!

والمشكلة تونا جايين من عند الشيخ يعني اهدى من كذا تكفى ...! 

وانا حبيتك وابيلك الخير ... الله يوفقك ويهديك قل آمين !

نزلت وسلمت عليه ومشيت !!

وضرب لي بوري يناديني !! ابو حمييد !!!

رجعت وقلت : سم ^___^ وش بغيت !

قال : نسيت جوالك يا فاهي !!

#ههههههههههههههههههههههههههههههه

احس راح الثقل حق نصيحتي الي قبل شوي !! هههههه

قعدت ألقط وجهي #

يوه ماتقصر والله مو اول مرة انساه ^__^ متعود !!!

سلمت عليه وتفرقنا مشيت للبيت وانا منزل راسي !! ... قعدت افكر لااازم احط حل لموضوع الفهاوة !! زاادت عن حدها صراحة XD ..

من جد ! تنهدم رؤية الشخص لك اذا شافك فاهي !! هههههههههه

بس ترا مو دايم فاهي عاد !! لا تفلونها !

دخلت البيت متأخر ...

فتحت الباب ! والتلفزيون شغال ! وكأن في أحد هناك !

حطيت جزماتي " الي تخقق "  الله يعزكم وجيت بأطلع غرفتي ..

ناداني "مايك" أبوهم : أجل جاي متأخر هالمرة ^__*

ضحكت وجيته ! : قلت عشانا يالسعوديين لازم يطول ^__^

لقيت معه شي قاعد يشربه !

عرفت انه "نبيذ" >> متعوب على النبيذ XD

 #لا يكون هنا قصد خوينا بالنصيحة !!!! والله وكان التطبيق سريع سريع !!!  #

قال : تعال تبي تشرب معي !! << ايوااا o_O

قلت : لا طبعاً !

قلت : هذي كحول الي تشربها ؟

قال: ايه !

قلت : تشربها قدام "جاك" ولدك ؟

قال : لا !

قلت : طيب انا عادي تشرب عندي ^__^ ! على الأقل اشرب من وراي وانا ما ادري مو قدامي وتقولي تعال بعد !

ابوي ما دفعلك قروش عشان تسكرني !!

قال : اوه معليش آسف ! بس على بالي انك كبير وتعرف مصلحة نفسك..

قلت : طيب لو سمحت لا تشرب قدامي ! لأني دافع فلوس ومعليش تحملني ^__^

تفاجئ وانبسط وقال : ابشر ^__^

وطلعت فوق ونمت :)

# مرات نحتاج نشد ونتشجع ومانسكت ! يعني سلامات ! انا جاي ودافعين لكم عشان اسكن معكم وألاقيك تشرب عندي !! ممكن تقولون اني انا جاي متأخر وكذا .. بس ما توصل انه يقولي تبي تشرب !! 

مع نفسه صراحة ^__^ #

-------------------------

مر على رمضان هناك تقريباً اسبوع !! كل يوم فطور غير واحداث حلوة بس مو ذاك الحماس !!

ايام جميلة يعني ^__^ !

رحت بذاك اليوم لسوبر ماركت تونسي !! يبيع أشياء من السعودية كثير .. ڤيمتو ولقيمات وحركات رمضان يعني !!

المهم رحت طامعاً بوجود "النبيذ" السعودي والشراب الروحي !! 

الحـــمضـــــيـا ت  آتـ آتـ آتـ !! 

ههههههههه

ولكن للأسف !! مالقيته ! :(

عندها نروح للمرتبة الثانية من المشروبات الروحية !!!

هولستـــن رُمـــــان ^__^

لقيت عنده كميات كبيييرة !! قلت هلا واللله !!

شريتلي كرتون عشان احطه بالبيت !! السوبر ماركت ما اجيها كل يوم ! وبعيدة ! فقلت آخذ معي أصرف !

شريت الكرتون وقعدت أشيله معي شكلي الشبهة  XD !!

 واحد يمشي ومعه كرتون بيرة ! ههههههههههههههههههههه

وكنت مبسبس وقتها ! يعني وااضح اني اندر ايج !!

وصلت البيت ودخلت وألاقي أبوهم بوجهي !

O_____O

يعععععععععععععععع

عاد ماجاني  الا ذا المحنة !!! هو الوحيد الي ما ابيه يشوف !!

قعد يناظر وفيسه كذا !

" فيس رافع حاجبه اليمين ويبتسم من دون ما يطلع ضروسه وحاط يدينه على خصره "

ويقول : احممممد ! وييين الي ما يشرب !! XD

قلت : ههههههههههههه لا والله هذا شعير !! شف ! 

وقمت أوريه الكرتون !! شفف وش مكتوب !! Malt !! << يعني شعير !

قال : ايه ايه مصدقك -__-

قلت : هيييه ! هههههههه لا والله مو الي انت تقصده !! 

قال : ايه ايه سو الي تبي مصدقك -__-

يعععععععععع !! انا انحرجت وطاح وجهي وكل شي !! 

قلت : كيفك فكر الي تبي -__- 

ومشيت وحطيته بثلاجتهم وانا اناظره كذا ! وهو يناظرني ويفطس ضحك علي !

طلعت سقييم -__-

ومشيتُ من بينهم أجرُ سحب الفشيلة !! خخخخXD

---------------------------

باقي يومين وأسافر :(

جاتني رسالة من النادي السعودي بكرايستشيرش !

هذي صفحتهم عالفيسبوك..

http://www.facebook.com/profile.php?id=100002236227267

ان فيه فطور جماعي لجميع السعوديين ... وكانوا تقؤباً 160 نفر حاضرين !

ومحاضرة للشيخ ابراهيم الحقيل بعد الفطور .

تجهزت ومرني فواز الله لا يهينه ومشينا هناك !!

عد انا مدري وش فيني ما اداني السعوديين هناك !! مو كلهم ما ادانيهم بس عينات تجيب الهم !!!

ولا في منهم رجال كفو لو تعطيه مفتاح بيتكم حطه أمانة !

وصلنا هناك وسوالف وضحك وفطور وفلة ! 

زي اي جمعة حلوة يعني ^__^

افطرنا واقمنا المغرب وصلى فينا الشيخ !

وبعدالصلاة عطانا محاضرة خطيرة صراحة فيها تذكير وسواليف وبأسلوب حلو ما شاء الله !

بعدها عطا مجال للأسئلة !!

قمت وسألته : علي دية اذا كسرت يد واحد ^__^ << هههههه سالفة علي الي بالجزء الرابع XD

قال ايه عليك ! الا اذا سامحك ^__^

هههههههههههههه وخذلك ذل !!! يقولي علي : يلاااااا ادفع الحيييين !! 

وانا انكبت وقلت وش ورطني مع هالقصمنجي !! 

هههههههههه والله اني أحبه !

"

"

خلصت المحاضرة وأقمنا العشاء ...

صلينا ..

وبعد الصلاة وقفت ! وقلت للشيخ تسمحلي بكلمة !

قال تفضل !

وقفت وقعدت اناظر !! كنت ناوي اقول شي بس نسيت !!

خلاص صرت واقف ! وقدامي كل الشباب السعوديين المبتعثين هناك !

قلت :

السلام عليكم ... بما ان أغلب الموجودين مبتعثين ! ان ما كانوا كلهم ... وانكم مو دايم تجتمعون مثل هالجمعات الحلوة الا كل فترة ...

فحبيت اقولكم شي !

اي واحد ربي ابتلاه بشرب .. بنات .. دخان .. ياخي استر نفسك !! مو تقعد تسولف فيها بكل مكان !

يجونكم ناس مثلي بالصيف ! ويشوف الي حولهم يشربون ويلعبون وش تتوقعون منهم يسوون !

قاطعني واحد : طيب وش تبي الحين !!!

رفعت صوتي عشان يسمعون وقلت :

الي ابيه خل ذنبك لك !! واذا كل واحد مبتلى سوا الي اقوله ! صدقني ماراح تلقون هالأشياء منتشرة!!

وبس !

شكراً لإستماعكم وأنا آسف ! وتراني ما أعمم ...

"

"

"

"

"

رجعت وقعدت ... وشاورني خويي البراء : بيض الله وجهك !

قمت وصليت السنة ..

وأول ما خلصت ويطبون علي ! ليش تعمم ليش تعمم !! ناظرتهم وقلت : انت تشرب وانت تشرب وانت تشرب !! بلا هياط ! كلامي صح ! بس تنكرونه !! 

هدينا الوضع وصفت القلوب بعد ما فهموا اني ما عممت ! ...

جوني ناس كثيييييييير يقولون : بيض الله وجهك ! بس المفروض انك محضر عالأقل !

قلت : والله انه هالكلام بقلبي من زمان وطلعته ! عشان كذا ماطلع مرتب ...

بعد فترة فرقوا لعب طائرة وسوني وكذا !

انا مشيت بدري مع اخوياي ورجعت ! كان مالي خلق مدري ليه ....

#  الشي الجميل بالموضوع ان قبل فترة قريبة << أتكلم حالياً 

جاتني رسالة عالفيسبوك من أحد الشباب الي قابلتهم وعرفتهم بنيوزيلندا !
هذي هي 

=""""""""")

صراحة يوم جاتني حمدت ربي اني قدرت أأثر على الأقل في من سمع واعتبر بكلامي !

#

رجعت البيت وبديت أجهز شنطتي :)

قمت أودع اي واحد اشوفه ^__^

خلاص بقالي يوم وامشي !

رحت المعهد وسلمت على زملاي الكوريين والصينيين واليابانيين ! وودعتهم ! لقيت الاسرائيلية موجودة  وودعتها برضو ! << سالفتها الجزء الرابع برضو ^__^ 

------------------

جا يوم الوداع :(

قمت الصبح ! ونزلت ولقيت العايلة ينتظروني !! جات "ديبرا" امهم وعطيتني هدية مغلفة !

 ="""")

قلت عادي افتحها ! 

فتحتها ولقيتها طاقية عليها شعار فريق نيوزيلندا حق الرقبي ! مشهووورة الرياضة عندهم !

سلمت عليهم وخذيت شنتايتي وركبتها بسيارة الأم !

رجعت البيت أشيك نسيت شي ولا لا !! احتمال كبير انسى XD

قعدت اسمع جاك يبكي بالصالة ! ... ="""""(

لأن مرررة كنت صديقه وقال اول مرة افقد واحد جا وسكن عندنا :"(

يا حليله !

كان معي ١٥ دولار وبقايا قروش !

رحت غرفته وخذيت ورقة وكتبت عليها " u deserve it XD "

وحطيت فوقها الفلوس ^__^

ومشيت !

ركبت معها .. وكنت متواعد مع اخوياي قبل ما أروح في جامعتهم ... عند بريك صغير ومافي غير هالوقت اشوفهم فيه قبل ما أسافر !

هذي صورة جماعية ^___^

بعدها رحت المطار !! ونزلتني وقعدت تبكي يا حليلها أمهم =")
لوحت لها مع السلامة ! ودخت !!



ومنها بدت رحلتي إلى "الحفريات" !!!!!!

خط الرحلة 

كرايستشيرش>سيدني>بانكوك>دبي> الحفريات -__-

doom doom !!

 good afternoon ladies & gentlemen ... all flights has been delayed for 30m because of wether 

conditions

sorry & thank u for waiting

دووم دووم !!
مساء الخير سيداتي وسادتي ... لقد تم تأجيل جميع الرحلات لمدة 30د لظروف الطقس

نأسف ونشكر لكم انتظاركم !

ياليييييييييييييييييييييييييييييييييل !!!! -______________-
وانا هذا الي ناقصني !

وأصلاً انا جاي قبل طيارتي بساعتين ونص !! يعني مع التأخير صارت ثلاث ساعات !

حسيت اني مصطفى -__-

جاي الذي بدري !

رحت قصيت البوردنق وقعدت أتمشى بمكارهم الي يطفش !!

بس انه نظييف ومرتب !

للأسف المفروض اني مصور فيه بس أذكر ان الكاميرا طفت وقتها :(

المهم اني قعدت انتظر كل هالوقت وانا اكتبلكم الجزء الأول والثاني ! ^__^
"

"

خلصت الثلاث ساعات وركبت الطيارة وأقلعنا !

شعور مدري شلون كذا كذا من داخل !

شعور كذا !! ممممممم ايش ربي ايش ربي !
http://www.youtube.com/watch?v=uq38ufVvcWc

ههههههههههههههههه

 الزبدة ان الشعور وقتها كان شطحة !!

 يعني مدري اوعل على فراق الناس الحلوة الي صادقتهم وعرفتهم هناك !!

ولا فرحان لأني راجع لحضن امي واهلي واخوياي !!

كذا بس كنت مفتح عيوني ووجهي فيه نشاط كذا 

خخخخخخخخخخخخ  XD

وصلت مطار سيدني بسلام ! 

وبما انهم مشددين الأمن هناك !

حاولت أصور بجوالي ... بس ما قدرت العالم كلها تناظر !

قلت لازم أثبت وجودي بمطار سيدني !

وعشان اثبت وجوودي ايييييييييييييييييييييش أصور !!!!

جزمااااااااااااااااااااتي الله يعزكم ^_________________^

خخخخخخخخخخخخخخ XD

# داري اني نفسية -__- #

جات رحلتي وركبت الطيار متوجه لبانكوك !!

ونمممممممممممممت هذييك النووووووووووووومة الي يحححححبها قلبك !!!

الرحلة 9 ساعات ! كللللللها  نوم ما عدا أوقات الوجبات !

وصلنا بانكوك ! قلتلهم مني نازل بأقعد بالطيارة !!

فاضي ادخل زي اول مرة ! << الجزء الأول ×_×

وانا الي اناااااااام !!

قمت بعد ما شبعت من النوم !! ^_________^

صارت خشتي زي كذا XD

الي يشوفني يصحصح XD

باقي على دبي ساعتين تقريباً ...

.....

وصلت دبي وهالمرة بيقعدوني بدبي 8 ساعة !

وعطوني معها غرفة بفندق المطار !

رحت وطقيت ذاك الشاور !... ساعتين !

وقعدت مروق مرتااااح بالغرفة !...

الساعة الحين تقريباً 8 الصبح !

لزوم نروح نفطر ^_^
رحت وأفطرت بمطعم المطار ...

ومضيت الوقت بأشياء عشوائية ^__^ جداً عشوائية ,, لدرجة اني ما أتذكرها .

بس الي أعرفه اني فليتها ! ولا خليت ولا شبر بالمطار الا ودعسته !

وبالصدفة وأنا ماشي بالمطار !

أشوف واحد الناس تصور معه ... أعرف وجهه بس ما أعرف اسمه

رحت أتلقف ابي اشوف !

بالنهاية عرفته وتأكدت منهو !!! بس ماتذكرت اسمه

جيته وقلت : مع اني ما أعرف اسمك بس بأصور معك  ^__^ << يااااااابجييييييييييييييييح !!!!!!!!!!!!!!!!!!!!!!!!

راح عصب وقال : دامك مو عارف اسمي اجل ليش مصور معي ؟

انا خفت ! قلت : لا هو انت أصلاً أعرفك من قبل حياة الفهد !! بس انسى الأسامي واجد !  -__-"

راح ضحك وقال يلا اجل هذي صورة !

هههههههههههههههه

وناسة !!

#  عالطاري ترا اسمه محمد المنصور :) #

جا وقت طيارتي المتوجهة للرياض ...

رحت خذيت أغراضي من الفندق وطلعت !

ركبت الطيارة وأنا متحمس أقابل اخوياي !

لأني كنت كاتب عالفيسبوك اني راجع بالتوقيت الفلاني وردوا كثيرين قالوا بنستقبلك !

فمممممممممرة متحمس ....

"

"

"

"

"

هبطنا بمطار الملك خالد ^______^

شغلت شريحتي السعودية وعلى طول جاني اتصال من أعز اخوياي / احمد بن دوس @ahdous

كيف حالك ! وكيف الوش اسمه والعيال ودبي اع ولا ولفغلفح ثعفلبخلاقبناين القق العغفن 

^^^^
وقعدنا نسولف ونصارخ !! خخخخخخخخخخخخخ

سألت الباقين معك ؟

قال: احمد ربك اني جيتك !! مافي غيري !!

قلت : اماااااااا -___-
ياشين الي متوقع شي وينكب !!

قلت : خلاص اشوفك اذا نزلت ^___^

نزلت من الطيارة ومسكت السرا حق الجوازات ! قعدت نص ساعة انتظر دوري !!

-جوازك يالطيب !
قعدت أتلمس جيوبي ....... لا يوجد جواااااااااااااااااز O_______________________O

ياليييييييييييييييييييييييييييييييييل !!!

قلت لا يكون نسيته بالطيارة !! وأركض مجرجراً سحب الفهاوة XD
وصلت باب الطيارة وبقا شوي ويسكرونه ! أشوا اني لحقت ...

جيت بأدخل عيا يدخلني ,,, يبن الحلال جوازي داخل !!

-ممنوع أمنياً .

#  أنا من عادتي كل ماركبت الطيارة وقابلت مضيف أو مضيفة ! أسألهم وش معنى "شكراً" بلغتك !

وأنواع وأشكال الجنسيات بالخطوط الاماراتية D:  #

شافتني وحدة من المضيفات الي تعرفني !!

قالت خله يدخل ... << هلااااااا بالواسطة !!

دخلت خذيت الجواز ويوم طلعت قلت لها "vavatzella" معناه شكراً بلغة دولة "أمريكا ساماو"


وطلعت وخذيت شنطتي ولقيت احمد ينتظرني !!

قعدنا نضم بعض ! وحاله ... ولقيت ياسر الشريهي معه ="") 

قلت زين ! اثنين احسن من واحد !!
سواليف ووناسة الين وصلنا عند السيارة !!


وفجأة .. أول ما فتحت شنطة السيارة .. طلعلي خمسة !
ومن وراي ثلاثة ومن قدام السيارة مدري كم واحد !
كللللللللللهم يصاااااارخوون

أححححححححححححححمممممممممممممممممممددددددددددددددددددد

ههههههههههههههههههههه 

وااااااااااااااااااااااااااااااااااااااااااااااااااااااااااااااو

انا خقييييييييييييت !! 

كثيرين جاو يستقبلوني ="")

هذي كم صورة لليوم العظيم 

طبعاً هذا فيمتو باااااااااااااارد !

-------------------------------------------------------------------------------

شكراً أصدقائي :
رائد بن سعيد / @rbihappy
عبدالرحمن العجمي / @enj_ajmi
أحمد بن دوس / @ahdous
ياسر الشريهي / @yasser_sa
عبدالإله بن مسفر / @3bdoool

أحمد العقيل / @ahmad_fbi
صهيب أبو سليمان / suhaib91
معتصم أبو سليمان / @mo3t9
سلمان باهبري / @sbahabri
فهد الرشود / @fahad_71

وأخيراً  / عثمان الحقيل ^___^

وفي النهاية !! شكراً لا تكفي لكل من دعمني !!

جزاكم الله خير كلكم !!

وترا المواقف الي سويتها مو مواقف بطولية !! ولا فيها شي يخقق !! هي بس كانت ردة الفعل الي المفروض كل الناس تسوي زيها ! اذا شفت شي غلط لاتسكت ! اعمل ... تكلم ... عبر بطريقتك الخاصة وانشر فكرك عشان تأثر في من حولك  ^___^

كن مبدع .. كن مؤثر .. كن أنتـــ 

 ^_____^

واوعدكم بالجديد دائماً !!
يلا روحوا ناموا عاد XD 

تابعوني على تويتر

                                                                 
                                                                    @A7MAD_AR