الثلاثاء، 4 نوفمبر، 2008

مطر في عاصمة القحط !!



يبدأ نفس السيناريو نفسه ينعاد كل سنة .. يتأخر نزول المطر بعدين نصلي صلاة الاستسقاء ... انا سمعت انو موعد صلاة الاستسقاء مدبر ومرتبط بتوقع خبراء الارصاد .. فنصلي الاستسقاء ولكن يخيب ظننا وتجي السحب المليئة بالامطار ولا تجود لنا بأي قطرة !! ... ولكن كرم الله واسع وتجود السحب بعد كم لفة على الكرة الارضية بمطر .. وتجود بكرم ..
المطر عندنا حدث غريب واستثنائي .. الدنيا كلها تتغير .. حتى الالوان تتغير .. كنا نشوف الوان الاشياء طول السنة محروقة بضوء الشمس القوي .. بس مع الغيم نشوف الاشياء بالوان اهدأ والطف .. واكيد هذي الالوان الهادئة تحسن مع مزاجاتنا .. يوم المطر اليوم الوحيد اللي ممكن تشوف حادث واللي صادمين يضحكو لبعضهم .. والناس في الشارع مبسوطة ومبتسمة وكأنو عندنا عيد .. بل بالفعل يوم المطر عيد ثالث لنا – لحد يقول مافي الا عيدين للمسلمين لاني اعرف هذي
المعلومة – ( : ...
بس فرحة العيد هذي ما تدوم .. فلو صار المطر قوي ومستمر لكم يوم تبدا الناس تقرف من شي اسمو مطر ... زينا احنا ايام المدرسة نقول يازين ايام الجامعة متى تجي .. ياليتها تجي واصير اسوق ويصير عندي سيارة واصيراسعد انسان في العالم .. نخش الجامعة وسنتين والا هوا زهقان ويقول متى اتخرج واتزوج وخلاص ايش احسن من كذا .. يتخرج ويتزوج وينبسط اول شي .. بس هيهات !! هيا كلها كم سنة ويقول يازين ايام العزوبية ايام تطلع وقت ماتجي وتجي وقت ماتجي ومافي احد يزن فوق راسك – ممنوع الاتهام بأني من اعداء الزاوج - ...
ثاني ملاحظة للتغيرات اللي يحدثها المطر غير انشراح الصدور هي (متلازمة المطر والتسيب !!) ... عندنا في الجامعة مو بالسهولة عادة تلاقي موقف – باستثناء المواقف الخاصة بنا احنا السعوديين زي الارصفة – .. بس يوم عيد المطر تغيرت الاحوال ..الساعة 1 الظهر تلاقي موقف قريب وكمان نظامي .. تخيل !! بس هذا العرض ساري فقط خلال موسم الامطار .. والصورة خير برهان ..

وبعد ما سويت تحقيقاتي عرفت السبب ... الناس كلها في البر !! فجاتني فكرة بسيطة لحل مشكلة التسيب هذي .. أنا سمعت انو الحكومة من زمان كان لها مقر شتوي في الطايف .. ليش طيب ليش ما يسوو مقر (مطري) !! يعني اول ماينزل مطر تنتقل كل الوزارات الى الثمامة كل وزارة على طعس .... المدراس برضو كلها تنقل هناك ... بس فيه ملاحظة مهمة .. يجب ان يتم اختيار مدارس البنات على اعلى الطعوس عشان ما الاولاد (يقزوهم) بعيونهم الطويلة ... طبعا كل باصات المدارس حتى باصات الاولاد تستخدم لستر فصول البنات !! وفي وقت (بريك) الغدا تلاقي طلاب الجامعة صافين سرا طويييل عند طعس بعييييد فيه محل ( بر – ويه ) على وزن ( صب – ويه ) ... لعل الواحد يحظى بساندوتش الضب المشوي اللذيذ !! انا اشوف هذا حل حلو لهذي المشكلة ولا يصير لاتسيب ولا غياب بالعكس الناس تتحمس لدواماتها !!
في اول يوم للمطر درنا عشان نصور ونغطي حدث المطر المهم ... وفي احد الشوارع لقينا بحيرة كبيرة وغميقة مع ان
المطر ما كان مرا كثير !! جا واحد راعي سيارة متحمس وخش جوا يشوف ايش الوضع وكيف الجو جوا هذي البحيرة العجيبة ومسكين غرزت سيارتو في المويه ولا قدر يطلع حتى السطحة واقفة خايفة تدخل .. هذي من جد بحيرة عميقة تنفع للسباحة .. انا اقول امانة الرياض لو تجهز هذي الاماكن لجذب السياحية لاهل الرياض على الاقل يصير نشوف مويه حقيقية ونسبح في مويه ربنا بدل مانروح عند اهل الشرقية ونطفشهم في كل اجازة .. يصير لنا كرامة واستقلال احنا اهل الرياض !!
تحذير: الكلام الجاي كلام بريء جدا بناء على استنتاج سخيف وليس له دخل بالسياسة لا من قريب ولا من بعيد ..
في موضوع (بريطانيين والله المعين) قلت انو البريطانيين مساكين هربو من المطر عندهم في بريطانيا ولما جونا جات موجة مطر شديدة على ابها بعد القحط ... وأمس لما نزل مطر كان غولدن براون للتو وصل الى الرياض .. ما لاحظتو شي غريب ؟ ما تلاحظو ان المطر وراهم وراهم واول ما يروحو مكان ينزل عليهم مطر !! فأعتقد وجود علاقة بين المطر والبريطانيين !! واذا كان استنتاجي صحيح ... اذن لو نبغا يجينا مطر خلينا نسمي نفسنا المملكة المتحدة العربية السعودية وبإذن الله يجينا مطر بالهبل !!
ملاحظة بعد الختام : كل صور هذا التقرير من تصويرنا .. عشان ماتطالعو بسرعة وتقلولو اكيد مطلعين الصور من النت .. ترا تعبانين عليها .. فتأملوها جيدا ( :

هناك 7 تعليقات:

شوارعنا شهيدة .. ميتة غرقا !! يقول...

ياسيدي الله يديم المطر ياااااااارب

عالرياض بس

بس بصراحة .. احنا شوارعنا مو وجيه مطر ابدا !!

والله الصباح اليوم في حارتنا فتحت الباب واشوف الموية تمشي !!!

مو مو متجمعة عند الباب .. لا .. مو تمشششششي .. نهر جاري .. وانا بسيارتي الين طلعت من حارتنا والموية ماشية معايا

انا طالب في جامعة الملك سعود .. امس اختفى ثلاث ارباع الطلاب بعد الظهر !! كلهم عالثمامة
الا شعبتنا .. شعبتنا دوافييير

بس القهر .. اليوم بعد معاناة وساعة كاملة عشان اوصل الجامعة مع شوارعنا الغريقة .. الدكتور ماقدر يوصل والغى المحاضرة !!!

شكرا اخ شارع العروبة ..

على فكرة .. انتا غرقت ؟؟
: )

شارع العروبة يقول...

والله انا كنت غرقان الا شوي .. كنت طالع مشوار عند مخرج عشرة ودخلت في خط الخدمة والا زحمة وانا على نياتي ما ادري ليش !! شويا اكتشف انو في بحيرة ولا تقدر تتفاداها .. انا سيارتي مرا واطية وجديدة فأصبت بحالة نفسية صعبة ( : وقلت خلاص حكمل باقي اليوم ادف السيارة واحملها واوديها الوكالة !! خاصة اني شايف بعد البحيرة سيارة فان موقف مع مجموعة سيارات منها جيوب قلت طيب الجيوب خربت .. ايش حتسوي انتا وسيارتك .. بس الحمد لله عدت على خير وطلعت سليم ..

إنكاس يقول...

والله صورك للمطر ملهمة ياشارع العروبة..
يعني لما تشوف برج المملكة كذا مختفي اعلاه ومغيم تحس ربما: بأزمة مالكها المالية،وربما بأزمة الرأسماليةالعالمية،والتي خير رمز لها في عاصمتناهو برج المملكة بلا شك.

وايضا صورة السيارة الغرقانة..تحس ان صاحبها غرقااان أيضا في هذا العالم، يعني الرأسماليين مغيمة أجوائهم فوووق والمطحونين غرقانييين تحت.

وفي خضم هذا كله :معاهد التعليم-والعمل ايضا- خالية من روادها في أمة لا تنتج حقيقة،وانما لاهية في التفاعل البريء مع متغيرات الطبيعة..دون أن تشغل بالها لابالمغيمين ولا بالغرقانيييين
واللي مالهم الا الله،أليس "الغريق شهيد"

بلى : شهيد كسلنا وتفاهتنا

غير معرف يقول...

انت رهيب
والله ضحكت واستمتعت بالتدوينة
لا فض فوك يا صاحب القلم السيال

بالتوفيق

غير معرف يقول...

تدري انهم الحين يصلون عشان ربي يوقف المطر ؟؟

عالم غريب صدق!!

Lilly Mahmoud يقول...


ابراج اليوم الاثنين 10-2-2014

برنامج هوت سبوت شيلد
صور بنات السعودية ع الفيس بوك 2014 , صور اجمل بنات السعودية علي الثوبتر 2014
فساتين ميريام فارس
برنامج فايبر مجانا 2014

العاب تلبيس بنات قمر
العاب تلبيس بنات علي الشاطئ
صور احلى بنات الفيس بوك
صور بنات محجبات 2014
صور اجمل البنات 2014 , صور بنات عربية حلوة 2014 , بنات مزز 2014
صور بنات الفيس بك صور بنات اخر دلع
صور بنات العرب اجمل صور لبنات العرب
صور بنات جميلة من كل انحاء العالم 2014
احلي صور بنات العرب اجمل صور بنات العرب
العاب مزارع بنات
ابراج اليوم الاحد 9-2-2014

لعبة المزرعة السعيدة ثلاثية الأبعاد
لعبة المزرعة السعيدة الجديدة
لعبة المزرعة السعيدة
صور اغلفه للبروفايل متنوعه
صور روعه للفيس اجمل صور للفيس بك
اروووع اغلفه للفيس بوك
كلام حزين - صور حب حزينه
صور حب حزينه صور بكاء والم القلب صور حزينا جدا تقطع القلب
اجمل صور بنات حزينة 2014 اروع صور بنات حزينة 2014 اجدد صور بنات حزينة 2014
صور حزن وفراق الاحبة
انت عمرى
صور حب متحركة اجمل واحلي صور خب متحركة صور عشاق متحركة
صور حب ورومنسية جامدة جدا اجمل واحلا صور للاحبة صور حب للعشاق
صور حب ورومنسية صور لااحبة

Lilly Mahmoud يقول...


صور حب روعة صور حب للعشاق
صور حرف N , خلفيات حرف ان بالانجليزي رومانسية 2014 , تصميم حرف n 2015
صورحرف s 2014 , خلفيات حرف s للعشاق 2014 , تصاميم حرف s حب وغرام 2014
احلا واجمل صور اسماء بنات 2014 اجمل صور اسماء بنات 2014
اسماء ذكور اسلامية 2014, معاني اسماء مواليد اولاد اسلامية جديدة ومعانيها 2015
اجمل اسامي بنات 2014,اسامي بنات روعة 2014 اسامي بنات جديدة
لعبة حرب الملوك الاسطورية
لعبة ضوء القمر سوناتا ومهمة القضاء على الذئاب المتوحشة في الغابة المخيفة
لعبة الحرب العالمية للجنود المحاربين في أراضي المعارك الطاحنة
لعبة القتال المستمر والصراع الأسطوري مع نمور الإرهاب والقضاء عليهم بالأسلحة القوية
لعبة القضاء علي افراد العصبات المتشردين داخل القاعدة
لعبة حرب القاعدة النارية للكبار