الاثنين، 24 نوفمبر 2008

ها تركب باص ؟؟




السؤال الأول .. والسؤال الاهم لكل من يسكن هنا .. في الرياض .. والكل يعرف جوابه ..ايش أكبر مشكلة تواجهك ؟
أتوقع لو سألت أي ولد في الابتدائي حيجاوبك : (الزحمة ... الزحمة ... الزحمة).
الرياض زحمة !! ليش ؟؟ شوارعها كبيرة وواسعة وطرقها سريعة وكمان زحمة !! ليش ؟؟ طبعا أكيد حتصير زحمة لان الولد اللي ما يزيد طوله عن مسطرة مدرس رياضيات وعرضو مايزيد عن كيس رز يسوق جمس يكفي 10 اشخاص !! وترى لسا كل هذي الزحمة في الرياض والحريم ماساقو سيارات .. الله يستر وقتها !!
أنا فكرت بحلين للزحمة :
أول حل نركب دبابات !!
والله الدبابات : 1- سريعة . 2- تخفف الزحمة. 3- توصلك بسرعة .
4- توفر بنزين. 5- لما تطلب من ماكدونالدز من الطلبات الخارجية ماتحتاج تفتح شباك !! .
الحل الثاني نركب باصات :
من زمان كنت كل مافكرت بالباصات قلت لنفسي المجتمع لن يتقبل الباصات !! ولو حطو مليون باص محد حيركبها .. إلى أن قررت اليوم أن أذهب لمطعم جامعة الملك سعود .. وكان الباص حيوفر علي بعض الوقت فركبت الباص .. وتفاجأت .. طلاب سعوديين يركبو باص عمومي !! يعني ممكن السعوديين يتقبلو الباصات بسهولة .. والله هذا تغير كبير في العادات بدأته جامعة الملك سعود جزاها الله خير ...
خلاص على أساس أن المجتمع سيتقبل الباصات (بإذن الله) ... ممكن نطبق نظام الباصات في الرياض .. بس الرياض كبيرة ولا ينفع لها باصات .. خلاص لو تسوي امانة الرياض نظام الباصات في منطقة مركز المدينة فقط ( يعني المنطقة اللي حوالي شارع العليا ، طريق الملك عبدالله ، طريق الملك عبدالعزيز ) يعني اماكن الزحمة الشديدة .. ويكون دخول السيارات في مركز المدينة برسوم عشان يخف دخول السيارات .. ويصير فيه مواقف كبيرة عند أماكن توقف الباصات .. بس يصير للسيارت اللي فيها حريم استثناء لانهم صعب عليهم يركبو الباصات فيصير تدخل سياراتهم بدون رسوم .. الا لو صارو يسوقو فيتحملو ويستاهلو ويدفعو رسوم زينا عشان مايصير فيه تمييز ضد المرأة !!

اتوقع أن الجميع يتوق للباصات والنقل العمومي عشان تخف الزحمة .. ولن يتم هذا الحل الا عندما يتقبل مجتمعنا هذه الفكرة وليس بوضع الاف الباصات المتطورة في الشوارع بعدين محد حيركبها .. يلا كل واحد يبدأ بنفسو الحين ويسكر على نفسو باب غرفتو ويحاول يتقبل فكرة الباصات ( :

هناك تعليق واحد:

إنكاس يقول...

اما حلك الاول لو يطبق باصير امشي على رجلي بس
لأني اكره الدبابات كثير

انتو ياحقين السنة التحضيرية صايرين التقدميين حقين مجتمعنا..كل شي تسووه قبل الناس