في يوم ما من أيام الرياض ... المشكلة في الربيع (طبعا ربيع الرياض ... لا يروح بالكم بربيع افلام الكرتون وقصص الاطفال ) ... المهم فجأة وبدون مقدمات طالعت في السما بعيد والا الاقي شي زي الاعصار ... دخلت الى مبنى ثم خرجت ... ولقيت الدنيا مقلوبة الدنيا لونها أصفر!! .. المرور تعطل ... ودوامات بعض الشركات الغيت .. رحلات مطار الملك خالد حولت الى مطارات مجاورة ... صار حادث اشتركت فيه اكثر من 35 سيارة ... وما خفي كان اعظم .. الجو ينقلك الى جو ثاني وما تحس انك في الرياض ..
ببساطة لانك ما تشوف شي !!
انا اشوف هذا الموضوع ما يستاهل كلام كثير بس لازم نغطيه لانو شي رهيييييييييب ... انا حقيقه انبسطت على هذي الاجواء !! ومزاجي رايق وقتها ...
يمكن لاني احب اي كسر للروتين مهما كان !!
ويمكن لاني أحب الضباب ( : ...
المهم هذي صور انتشرت على الايميل
الموجة في طريقها الى برج المملكة ..
الموجة بعد اقتحام برج المملكة
(وااااو .. حظو اللي كان قاعد في المملكة ... ياريت كان فيه شبابيك في برج المملكة كان الناس استمتعو بالنسيم !)
خلاص ... الموجة اقتربت اكثر واكثر لتغطي اكبر مساحة من الرياض
بس حقيقة منظر رهيييييب ... مخيييف ... من جد يوريك قدرة الله ... وين اللي يروحو سويسرا يقولو رايحين نتفكر في خلق الله ... تعال الرياض وحتتفكر من جد في خلق الله وعظمته سبحانه ( مع اني ما انصح : ) ) ... والله المنظر يخوف ... في هذا عبرة لعلنا نتوب ونرجع ونستغفر ...
هناك 10 تعليقات:
انا شفت زي هذا المشهد يالضبط بس خسارة ما صورتو !!
وحده ارسلت للوالدة فكرة حلوة للي عندهم غبار في البيت (طبعا بعد غبار اليوم كل بيوتناغبار ) ... لما دخلت البيت الظهر حسيت بيتنا كتمه اكثر من برا ..
المهم الطريقة انك ترش بباخ المويه حق الكوي عشان ينزل الغبار (زي ما ينزل المطر الغبار )
( :
فكرة حلوه
تحس اننا صرنا شيوعيين
الكل عنده غبار
مافيه ناس انظف من ناس
ياربي لك الحمد..في كل مصيبة لك فيها نعمة
بعدين تعال احنا شعب ماله حل!!!
يوم جا غباااار شديد
جتني صورة كثيرة عالايميل للغبار والعاصفة
يعني الناس تتسابق على التصوير
عجبتني لفتة الشيوعيين ....
الله يخرجنا من الجو المتقلب
كله من ذنــوبنــا..الحمــدللــه كنــت في ذاك الوقــت فــي المدرســة
ومنسجمين مع الدرس ..ماانتبهنا الا الفصل ..اظلم فجأة ..الله يرحمنا برحمته
أنا كنت قاعد ألعب سدوكو حقت رسالة جامعة الملك سعود وجالس في طرف المسجد ...
جا الغبار وبعدها على طول قام المؤذن وأذن الظهر ...
داخل نفسي أقول : شفت هالغبار جا عشانك قاعد تلعب سدوكو في المسجد بين الأذان والإقامة :)
بس من جد منظر مرعب الدنيا حمراء ما تشوف بعد الخمسين متر أول ما جا
انا كنت مبسوط جدا لانا خرجنا من الجو المعتاد المهم تفير جو
فعلا شباب تشعروا اننا خراج التحكم
مشهد كوني لا حيلة للإنسان فيه ولاقدرة
نفر يلعب سدوكو ونورة تدرس..وحصة رياضة غيرت جو،وانا لقيت احسن حل اني اناااام
تغيرت ردود الفعل والاوضاع ولكن بقي اننا مجرد مشاهدين لما يحدث
تصحيح : خراج=خارج
غيرت=غير
والله المدرسه طلعونا يوم جت الغبره هاذي وم نقول الا الله يرحمنا برحمته قولو امين
إرسال تعليق