السبت، 21 نوفمبر، 2009

يحكى عن الذوق العام !!

الاسبوع هذا جمب شارع التحلية كان في حفريات لاصلاح ما أخربه الدهر والشعب ... كان العامل الهندي يبغا يوقف السير شويا عشان يخلي "الدركتر" يخش ويكب تراب .. طبعا لان "اللي يسمع كلام الهندي مخفه " شوف الشعب إيش سوا ... محد رضي يوقف مع ان الرجال انكسرت يدو وهوا يأشر ... اللي يقهرني أكثر مو إن السعوديين ما يوقفو ... "يمكن" السعوديين معاهم حق ... بلدهم ومو مفروض أحد يرفع عليهم يد بأمر فوق ترابها .. اللي قهرني من جد إن حتى السواقين تطبعو بطباعنا و صارو " أقويا عين" ولا احد رضي يتنازل عن انو يكون آخر واحد يمر .. كل واحد يقول إيش معنا جات عليا أن اللي أوقف خلي اللي ورايا يوقف !! ولا صاحبنا يقول انا مشغول خليه يمشيني بس انا لان عندي مباراة سوني فاصلة مع حميَد ولد عمي ..
أنا وقفت على جمب بس أبغا اشوف المنظر وأشوف ايش خاتمتها ... بعد شوية الرجال يئس من الوضع وبطل يأشر وراح أخذ استراحة ألين ماشاف ولد عمو الهندي سواق التكسي مقبل فنط وقال في نفسو : ( ايييوا هذي الناس اللي ممكن يجي منها خير ) فراح أشر للتكسي ...
وللأسف وقف التكسي وضيع من وقتو 20 ثانية وصار اكثر وطنية مننا .. تحية كبيرة للشعب الهندي العظيم اللي لولاه ما تصلح شارع فلا عندنا عمال ولا عندنا احد يسمع للعمال .. ونجي بعدين نقول الوطنية .. ونجي نقول شوارعنا خربانه !!

هناك 4 تعليقات:

غير معرف يقول...

"يمكن" السعوديين معاهم حق ... بلدهم ومو مفروض أحد يرفع عليهم يد بأمر فوق ترابها ..
فكر أكثر في عباراتك اللي تستخدمها

أحمد الملحم يقول...

أخوي إذا ما احترمنا الاجانب في بلدنا والله لن نحترم في الخارج
والله لأني مبتعث كأني اشوف إلي نسويه يا السعوديين في الاجانب يجينا في الغربه
والله لو ما يتواضع الشعب السعودي والله لننداس وربك يمهل ولا يهمل

أنا إن شاء الله لن اسمح بأن يهان اجنبي قدامي
لأني مريت بموقف في امريكا و وقف معاي امريكي والله إني لن أنسى هذا الموقف ماحييت و إلى الآن احترم هذا الشخص بالرغم من اني ما اعرفه ولا يعرفني

أبان باهبري يقول...

اخويا العبارة تفهم صحيحا حسب السياق .. شكرا لك

أحمد الملحم ..
المشكلة كمان أن عندنا "طبقية" في احترام الاجانب .. فالفرق كبير بين معاملة الامريكي والهندي وكأن هذا من طين والاخر من بسيبي كولا "على قولة احمد مطر" !! ينبغي كمان ان ينبع حبنا للاخر مو فقط لاجل ان نحصل على المعاملة بالمثل فهذا نوع من الانانية ..
اشكرك أحمد واحيي فيك هذا الشعور وترجع بالسلامة ( :

هند يقول...

والله يا اخي تعليقي على هذا الموضوع ..
نحن لا نستطيع ان نصب كامل اللوم على الشعب !! وبنفس الوقت ليس على العمّال !!

فهي حقيقة أن الشعب يتصرف بالأنانية في بعض الاحيان ..
ولكن الحقيقة الأخرى هو الخطأ التصميمي المتبادر من قبل المصمم في عدم دراسة التصميم كحالة تصرفية !!
يعني على سبيل المثال .. أحياناً يسوّن حركة تقهرني وغالباً ما تكون عندنا -بالشرقية- لما نروح البحرين مثلاً نلاحظ أن التصليحات ما تجي إلا بموسم الإجازات !!
المصمم لازم يحط بباله الوقت !! وهذا غلط كبير ومنسي ..
يعطيك العافية وجزاك الله ألفـ خير