الاسبوع الماضي نزلت جريدة الرياض خبر عن اخر تعداد سكاني للرياض ..الصراحة انفجعت من الرقم ..صرنا تقريبا 5مليون !! اتذكر لما كنا ندرس جغرافيا كانو8مليون سكان القاهرة رقم مهول بالنسبة لنا ..مبرووك قربنا منهم ..مبرووك قربنا نصير نفس زحمتهم ..
الله الله عالسلام ...الرجال سامع بالغزو ...سامع بهتلر وموسيليني ॥اول اسمع اننا لسنا في سلام !!
وهذا باين مسكين ماقدر ينام الليل يفكر في حال الامة وفي النسب المروعة ...جزاك الله خير ياعم على الحرص ...الامة ستنهض على يدك ياعزيزي
"كلها من هالاجانب الله يقلعهم هذا النظاميين والغير نظاميين دبل الدبل ..صراحة صرنا أغراب في وطننا هالاجانب قنابل موقوته ويجب ابعادهم أكلو الأخضر واليابس عل أبناء البلد.. مسيطرين على كل شي وابن البلد حده حارس أمن ..متى نعيش بسلام بدون هؤلاء الاجانب "
هذا معصب مرا ...أهم شي الاخلاق بس باين القضية ما تستحمل اخلاق ...فيها أخضر ويابس وقنابل (أما مادخلت مخي أكلو اخضر ويابس ...بالله احد يوريني وين الأخضر اللي أكلوه !! ) ...على سيرة قنابل اسهل طريقة نلفقلهم تهمة ارهاب ونرتاح منهم هذول اللي سيطرو على البلد ونشر الرعب والهلع والقنابل ..
"المقيمين أصبحو يقيمون وأسرهم بصفة دائمة في البلد بعضهم له 40سنة وأبنائهم يتودعدون بأخذ حث المواطنة وسيصبحون سعوديين شئتم أم أبيتم وسيصبح هناك خلل في التركيبة السكانية والله يخلي تجارة الفيز ويربح من يتاجر فيها والله يزيدكم من الأجانب ، متى نصحى ، متى نصحى حتى تضيع البلد مثل فلسطين"هههههههههه اما هذا خلاني من جد أضحك ...من جد متى نصحى قبل ما نصير مثل فلسطين ...ايش شايفنا جايببين يهود ؟؟ والله كشفت مخطط استعماري خطير ...شكرا عالتنبيه
الملاحظ عندنا أننا نجيب الاجانب عشان يخدمونا ويعيشونا حياة 5نجوم بعدين نقول ما نبغاكم وخربتو بلدنا و ...و...و .....ما تبغاهم عزيزي المواطن ببساطه رجعهم لبلدهم .. ما في أحد ضربك على يدك وقال لازم تخلي سواقك الاجنبي ...ما تبغى الاجنبي تكرم سيادتك والبس لبس المطبخ وسوي كيك لعيالك ووصلهم كل يوم المدرسة الصباح ...
احنا عجيبين ...نحضر الدوام متأخرين ساعة ونمشي قبل بساعة ونفطر ساعة ونقرأ الجرايد ساعة ونقرا الايميل نص ساعة وبالاكراه نشتغل نص ساعة -وياليتها شغل تمام - وناخذ مرتين قد الاجنبي ونقول غزونا وأكلو الاخضر واليابس ...ياعمي كلو كلو الله يعطيكم العافية لولا الله ثم أكلكم كان لا احنا اكلنا ولا انتم ...
كل العالم يعتمد على الاجانب في مشاركة النهضة ...الا احنا نخاف منهم ونحتقرهم ونعتبرهم خطر يهددنا ...لازم نفهم أن الانسان اللي يجي من الخارج ويعطى راتب هذا مو تكرما منا وفضلا ومنة ...هذا حق له مقابل اللي يبذله ...وأنه أصلا ما جاء الا ليكمل نقص محتاجينه ..
هناك 6 تعليقات:
يا عيني عليك يا أبان ..
بصراحة قلت اللي كنت أنوي أقوله ..
وما شاء الله أسلوبك بسيط ومعبر ..
ابان صراححة مقال جميل جدا .... زي كل مقالاتك ...... ان شاء الله بس تسير تقرا مقالاتنا زي ما احنا نقرا مقالاتك
كل واحد يعيش بكرامته
انا لما اطلع لأمريكا ولا بريطانيا ولا كندا
واتعرض للإهانة من شخص عنصري أحس بالإهانة لكن بنفس الوقت اتذكر اني كنت اسكت على اللي يهينون الآخرين في بلدي
المفروض انه المسألة دي تنتهي والناس تعقل
"""وكفاية جلد للذات حتى إدمائها""""
لكن اكثر مايحزّ في الخاطر ناس من يوم خرجوا على الدنيا دي وبلدنا يخدمهم ويساعدهم وفي النهاية كل ماسارت حاجة يسبوا ويشتموا في البلد...
وايضا العمالة الأجنبية واقصد هنا الطبقة الكادحة والعاملة يجب علينا الإسراع في إصلاح فضاياهم وتحديد انظمة وقوانين "إنسانية" لرواتبهم ولحقوقهم... كي لا يردّوا بالمثل..
فكلّ شخص يعاني من الظلم سيظلم أبرياء آخرين وتستمر حركة الظلم حتى النهاية...
مع التنويه على إعطاء ابن البلد حقّه وتطوير ابن البلد لأنهم هم ثورة البلد.. وإن "كان هناك فرق بيني وبينك يا ابّان لول" لكن فيه حالات كثيرة في القطاع الخاص شفتها في اقربائي وناس حولي يكرفوا كرف الحمير وبكل أمانة ويتعبوا ويهلكوا ويجي احد الأشخاص من جنسية معينة "يطرده - مايمنحه علاوته السنويه" يروح يشتكي لصاحب الشركة السعودي" فيعطيه ملفه"
... See More
عموما قلتها في اللنك اللي وضعته البارحة 2020 تتويج للنظام التشريعي والتنفيذي والقضائي في البلد ان شاء الله
يا سلام عليك يا صديقي : )
وفعلا بالنسبة للأجانب عندنا مشكلة عويصة جدا جدا مع الأجانب .
لما قريت آخر مقطع تذكرت كلام لمالك بن نبي معناه :
أنه من الجهل والخرافة أن نضع حاجزا بين النهضة الإسلامية والنهضات الأخرى .
أهلا mohd تحرجني ياعم .. شكرا ليك
غير معرف اظنك عامر ولا ؟؟ بالله ابغا اقرالك حطلي الرابط لوسمحت ( :
الثاني عامر اللي متأكد منك ( : ردودك تشفي القلب ..صادق في حالات مثل كذا كثير .. بس الحين عرفت فايدة جديدة للدراسة برا : تحس بقيمة انك اجنبي .. تحس بقيمة انك انسان ومفروض الناس تعاملك على كذا !
عبدالرحمن شكرا ليك .. بس مافي اي استشهاد آخر للعودة اكيد ؟؟
هههههههههه
حلوة للي خايفين من الأجانب نقلهم
عندي حل
يجي الاجنبي من 6 الى 3 الظهر ويرجع بلده ويجي اليوم الثاني يعني يجي ويروح كل يوم :) وكذا نكسب خبرتهم ولا يحتلون بلدنا مثل فلسطين
ههههههههههههههههههههههههههههه
إرسال تعليق