بريطانيين .. والله المعين ...

وفقا للبوتوكول الموقع بين الرياض ولندن يزور فريق من الشباب من كلا الدولتين بلد الآخر سنويا للتعرف على البلد وتقاليده والتحاور مع شبابه حول المشاكل المشتركة ...
عشرة أعضاء ومشرف هو الفريق البريطاني .. أول شي اللجنة المنظمة للزيارة ودوهم جدة ... انا استغربت وسألت المندوب السعودي المرافق لهم من رعاية الشباب : ( جدة !! مالقيتو تودوهم الا جدة !! بحر وعندهم زيو في بريطانيا .. من زين بحرنا اصلا .. وجدة مافيها شي جديد .. الرياض على الاقل فيها الثمامة ينبسطو ويطعسو ويشوو ويجربو شي جديد في حياتهم ..) قالي : (لا بالعكس مرا انبسطو في جدة .. خاصة في المتاحف ) ، قلتلو : (أي متاحف .. هيا جدة فيها متاحف ؟) .. قال : ( متاحف كثيييير ) وقعد يعددلي المتاحف اللي زاروها .. بيني وبين نفسي قارنت بيننا وبين دبي .. دبي لو عندهم محل يبيع حلويات يطلعوه في قنواتهم واعلاناتهم ويكبرو الموضوع ويخلو محل الحلويات مصنع اسلحة !! واحنا الله المستعان .. ولا من شاف ولا من دري !!
المهم بعد ماراحو جدة راحو لأبها .. والمساكين ماصدقو يهربو من الغيم والمطر (قالو رايحين السعودية شمس وحر ويالله من فضلك !!) الا وجاهم عقاب من السماء - للبريطانيين فقط - .. موجة مطر استمرت ثلاثة أيام .. المطر وراهم وراهم يدك رؤوسهم دكاً ... والمرافقين السعوديين للقروب البريطاني ماصدقو : ( مطر ... مطر ... مطر ) وذول البريطانيين يطالعوهم : (ايش فيهم ذول المهابيل كانهم اول مرة يشوفو مطر !!) ..
ثم جاؤو الى الرياض -عاصمة الثقافة العربية سابقا وعن جدارة بالتأكيد - ... وكانت ليلة البارحة الاحد الاجتماع بين مجموعة شباب سعوديين والقروب البريطاني في مركز الملك عبدالعزيز للحوار الوطني .. كان أهم شي في النقاش نظرة الغرب عموما والبريطانيين خصوصا للعرب والمسلمين ودور الاعلام فيها .. لانه هو السبب الاول - والاخير- في صنع تلك النظرة السلبية بسبب ما يروجه من الكراهيه والعداء للعرب والمسلمين وتضخيم أخطائهم .. والدليل على تضليل الاعلام لهم انهم بمجرد ان مكثو اياما قليلة تغيرت نظرتهم لنا بسرعة كبيرة كشعب محترم غير همجي كما يصورنا اعلامهم ..
داخل أحد الشباب السعوديين : ( ليس الدور مقتصر على الاعلام .. نحن ايضا لنا دور في صنع تلك النظرة السلبية ) وقال قصة صاحبو : كان يلعب (X-BOX) اون لاين مع واحد ولد من امريكا أهبل زي باقي الامريكان .. وسألو الامريكي : ( انتا من وين ؟ ) قال صاحبنا السعودي : ( انا من السعودية ) ، قالو الامريكي : ( وااااااااو .. من السعودية .. كيف شكل السعودية .. وين تعيشو في خيمة !!) قال السعودي : (نعيش في خيمة بس متطورة فيها كهربا وكمان انترنت !!) قال الامريكي : ( طيب عندكم مدرسة ) ، قال صاحبنا : ( ايه انا اروح الجامعة وهي عبارة عن خيمة كبيييييييييييرة ) قال الامريكي : ( طيب كيف عندكم سيارات ولا لا ؟) قال : (لا احنا نركب جمال ) وقعد صاحبنا يخرش

على الامريكي .. تخيلو لو اننا لسا على الجمال !! يصير طريق خريص فيه زحمة جمال وتجي الدورية عبارة عن فيل افريقي وتسد خط الخدمة !! لا والحريم يسيرو يسوقو - والعياذ بالله - بس بجمل مظلل تماما (مكتم) وماتشوف اي شي من جوا ويسموه (هودج) .. بس الحريم الراقيات ما يسوقو .. السواق (جوهر) يوقف المدام عند المملكة وينط يفتحلها باب الهودج!! ..

باص المدرسة جمل طويييييييييييييل 20 راكب ... وتجي معارض النسيم وتلاقي انواع من الجمال المستوردة من شتى بقاع العالم .. المحطات تصير براميل علف ومويه !! (احس اني طلعت عن الموضوع كثير خلينا نرجع) ....
بعد ماخلصنا المناقشات توجهنا للعشاء بوفيه وذبيحة وانبسطو الخواجات وقالو حنرجع بريطانيا بكروش !! اجل معانا حق اذا تدلدلت كروشنا قدامنا بشهادتهم !!
وانتهى اللقاء بصور تذكارية - كالعادة - ... وليس كل عادة عبادة !!
ختاما عندي لغز بسيط ... ( خواجه وجا لنا في الرياض ايش المطعم اللي حنوديه ياه بالتأكيد ؟ ) - هناك مطعم محدد -