الاثنين، 27 أكتوبر 2008

بريطانيين .. والله المعين ...



وفقا للبوتوكول الموقع بين الرياض ولندن يزور فريق من الشباب من كلا الدولتين بلد الآخر سنويا للتعرف على البلد وتقاليده والتحاور مع شبابه حول المشاكل المشتركة ...
عشرة أعضاء ومشرف هو الفريق البريطاني .. أول شي اللجنة المنظمة للزيارة ودوهم جدة ... انا استغربت وسألت المندوب السعودي المرافق لهم من رعاية الشباب : ( جدة !! مالقيتو تودوهم الا جدة !! بحر وعندهم زيو في بريطانيا .. من زين بحرنا اصلا .. وجدة مافيها شي جديد .. الرياض على الاقل فيها الثمامة ينبسطو ويطعسو ويشوو ويجربو شي جديد في حياتهم ..) قالي : (لا بالعكس مرا انبسطو في جدة .. خاصة في المتاحف ) ، قلتلو : (أي متاحف .. هيا جدة فيها متاحف ؟) .. قال : ( متاحف ك
ثيييير ) وقعد يعددلي المتاحف اللي زاروها .. بيني وبين نفسي قارنت بيننا وبين دبي .. دبي لو عندهم محل يبيع حلويات يطلعوه في قنواتهم واعلاناتهم ويكبرو الموضوع ويخلو محل الحلويات مصنع اسلحة !! واحنا الله المستعان .. ولا من شاف ولا من دري !!
المهم بعد ماراحو جدة راحو لأبها .. والمساكين ماصدقو يهربو من الغيم والمطر (قالو رايحين السعودية شمس وحر ويالله من فضلك !!) الا وجاهم عقاب من السماء - للبريطانيين فقط - .. موجة مطر استمرت ثلاثة أيام .. المطر وراهم وراهم يدك رؤوسهم دكاً ... والمرافقين السعوديين للقروب البريطاني ماصدقو : ( مطر ... مطر ... مطر ) وذول البريطانيين يطالعوهم : (ايش فيهم ذول المهابيل كانهم اول مرة يشوفو مطر !!) ..
ثم جاؤو الى الرياض -عاصمة الثقافة العربية سابقا وعن جدارة بالتأكيد - ... وكانت ليلة البارحة الاحد الاجتماع بين مجموعة شباب سعوديين والقروب البريطاني في مركز الملك عبدالعزيز للحوار الوطني .. كان أهم شي في النقاش نظرة الغرب عموما والبريطانيين خصوصا للعرب والمسلمين ودور الاعلام فيها .. لانه هو السبب الاول - والاخير- في صنع تلك النظرة السلبية بسبب ما يروجه من الكراهيه والعداء للعرب والمسلمين و
تضخيم أخطائهم .. والدليل على تضليل الاعلام لهم انهم بمجرد ان مكثو اياما قليلة تغيرت نظرتهم لنا بسرعة كبيرة كشعب محترم غير همجي كما يصورنا اعلامهم ..
داخل أحد الشباب السعوديين : ( ليس الدور مقتصر على الاعلام .. نحن ايضا لنا دور في صنع تلك النظرة السلبية ) وقال قصة صاحبو : كان يلعب (X-BOX) اون لاين مع واحد ولد من امريكا أهبل زي باقي الامريكان .. وسألو الامريكي : ( انتا من وين ؟ ) قال صاحبنا السعودي : ( انا من السعودية ) ، قالو الامريكي : ( وااااااااو .. من السعودية .. كيف شكل السعودية .. وين تعيشو في خيمة !!) قال السعودي : (نعيش في خيمة بس متطورة فيها كهربا وكمان انترنت !!) قال الامريكي : ( طيب عندكم مدرسة ) ، قال صاحبنا : ( ايه انا اروح الجامعة وهي عبارة عن خيمة كبيييييييييييرة ) قال الامريكي : ( طيب كيف عندكم سيارات ولا لا ؟) قال : (لا احنا نركب جمال ) وقعد صاحبنا يخرش
على الامريكي .. تخيلو لو اننا لسا على الجمال !! يصير طريق خريص فيه زحمة جمال وتجي الدورية عبارة عن فيل افريقي وتسد خط الخدمة !! لا والحريم يسيرو يسوقو - والعياذ بالله - بس بجمل مظلل تماما (مكتم) وماتشوف اي شي من جوا ويسموه (هودج) .. بس الحريم الراقيات ما يسوقو .. السواق (جوهر) يوقف المدام عند المملكة وينط يفتحلها باب الهودج!! ..
باص المدرسة جمل طويييييييييييييل 20 راكب ... وتجي معارض النسيم وتلاقي انواع من الجمال المستوردة من شتى بقاع العالم .. المحطات تصير براميل علف ومويه !! (احس اني طلعت عن الموضوع كثير خلينا نرجع) ....
بعد ماخلصنا المناقشات توجهنا للعشاء بوفيه وذبيحة وانبسطو الخواجات وقالو حنرجع بريطانيا بكروش !! اجل معانا حق اذا تدلدلت كروشنا قدامنا بشهادتهم !!
وانتهى اللقاء بصور تذكارية - كالعادة - ... وليس كل عادة عبادة !!
ختاما عندي لغز بسيط ... ( خواجه وجا لنا في الرياض ايش المطعم اللي حنوديه ياه بالتأكيد ؟ ) - هناك مطعم محدد -

هناك 9 تعليقات:

غير معرف يقول...

دحين بين السطعش الف صورة .. ما اخترت الا اللي نمت انا فيها ؟؟؟؟؟؟؟؟؟؟

شارع العروبة يقول...

ها ... خلاص ارتحت ... بدال صورة مسكر فيها عيونك صورة لوحدك .. خلاص .. رضيت ..
ياكثرة مشاكلك !!!

zizo يقول...

دهق

غير معرف يقول...

مقاااال جميل
واسلووب رائع
وبالفعل يجب ان نهتم بالأشياء التي يحبها
الآخر وليس مانحبها نحن

والسؤال المحير اليس من الأجدر ان نكون نحن ابناء المنطقه أعرف من غيرنا بأماك السياحه في بلدنا
عمرك 19 سنه ولا تعرف عدد المتاحف الكثيييره في جده

هداك الله

غير معرف يقول...

بيت الشواية
P:

شارع العروبة يقول...

لا لا لا ..
افا ياعمر ما عرفت .. ما ادري احس ان شكلها ذي حشة في انكاس !!

إنكاس يقول...

هو عشان ما فتحوا عليك يا طريق العروبة فرع رحت زعلت من بيت الشواية..وخليت ذكرها كأنها شتيمة

لعلك تعرف ان من دواعي فخري انو اول فرع ليهم عندي

مخــرج 10 يقول...

يا جماعة .. قصد شارع العروبة واضح

مافي الا مطعم واحد اذا جونا اجانب نوديهم له .. وحتى اذا رحت تلقى اجانب هناك كثير من المرات ..

القرية النجدية

Unknown يقول...


صور حب روعة صور حب للعشاق
صور حرف N , خلفيات حرف ان بالانجليزي رومانسية 2014 , تصميم حرف n 2015
صورحرف s 2014 , خلفيات حرف s للعشاق 2014 , تصاميم حرف s حب وغرام 2014
احلا واجمل صور اسماء بنات 2014 اجمل صور اسماء بنات 2014
اسماء ذكور اسلامية 2014, معاني اسماء مواليد اولاد اسلامية جديدة ومعانيها 2015
اجمل اسامي بنات 2014,اسامي بنات روعة 2014 اسامي بنات جديدة
لعبة حرب الملوك الاسطورية
لعبة ضوء القمر سوناتا ومهمة القضاء على الذئاب المتوحشة في الغابة المخيفة
لعبة الحرب العالمية للجنود المحاربين في أراضي المعارك الطاحنة
لعبة القتال المستمر والصراع الأسطوري مع نمور الإرهاب والقضاء عليهم بالأسلحة القوية
لعبة القضاء علي افراد العصبات المتشردين داخل القاعدة
لعبة حرب القاعدة النارية للكبار